603

İta etmek iktiza etmeyenlerine bunlar hassa istedikçe mezkûr senedleri gümrük
memurları ita etmeğe mecbur olmayıp fakat talep edenler olur ise anlara
derhal ita edilecek ve talebleri üzerine ita etmedikleri halde memurîn-i
mumaileyhim mes’ul tutulacaktır.

Sâminen işbu senedler gerek ihracat ve gerek idhalat ve gerek dâhil-i memalik-i
mahrusede olunacak sarfiyat için bâlâda zikr olunduğu vechle ita
edilecektir.

Tâsian gerek idhalat ve gerek ihracat ve gerek dâhilî sarfiyat için
ber-vech-i meşruh mezkûr makbuz senedi almış olanlardan muahharan eşya-yı meclûbelerini
mahallinde sarf ve füruht edemeyenleri eşya-yı mezkûreyi bir mahall-i âhare nakl etmek
muradiyle edâ tezkeresini talep ettiklerinde mukaddema verilmiş olan sâlifü’l-beyan
makbuz senedi kendilerinden istirdad olunup ba‘dehu edâ tezkeresi verilecek
ve mezkûr senedi geriye ita etmeyenlere eşya-yı merkûmenin resm-i gümrüğü tekrar
tahsil olunmadıkça istedikleri edâ tezkeresi verilmeyecektir.

Âşiren bazıları mezkûr makbuz senedini ba‘de’l-ahz zayi ettiklerini iddia ile
kaydına bi’l-müracaa an zayi diğer senedin itasını istida ederler ise havale
sem‘ ve kabul olunmayıp bunlara mükerrer sened verilmeyecek ve eğer içinde muharrer eşya
tekrar gümrükden imrar olunur ise mademki senedi ibraz olunmaya evvelki
vermiş olduğu resm-i gümrükden sarf-ı nazar ile yeniden iktiza eden
resm-i gümrüğü tahsil kılınmadıkça eşya-yı mezkûre gümrükden salıverilmeyecektir.

Hâdi-aşer işbu senedler bâlâda meşruh olduğu vech üzere hîn-i iktizada
ancak verilmiş olan gümrükde ibraz edilebilip ammâ diğer gümrüklerde kat‘â
edâ tezkeresi yerine kabul kılınmayacak yani her kangı eşya bir gümrüğe edâ tezkeresiz
gelür ise resm-i gümrüğü başka gümrükde te’diye olunduğunu mutazammın sâhibi yedinde
sâlifü’z-zikr makbuz senedi olsa bile işbu sened edâ tezkeresinin yerini
tutamayip eşya-yı merkûmeden nizamen icab eden resm-i gümrük tamamen istihsal
olunacaktır.