630

İta buyurulmuş olan muafiyet devlet-i metbûaları tarafından emirnâme-i mahsus ile tayin olunarak umur-ı ticaretle iştigalleri kat'iyyen memnu bulunan memurinden olmak üzere jeneral konsolosları maiyyetinde bulunan büyük memurinden iki ve konsoloslar maiyyetinde bulunan kezalik büyük memurinden bir nefer memur haklarında dahi cari olacak ve bu halde bunların eşyası içün dördüncü maddede beyan olunduğu vechle gümrüğe ita olunacak istidanâmeler her halde jeneral konsoloslar veyahud konsoloslar tarafından mumzâ ve memhur bulunacaktır.

Onuncu Madde

Mühr-i resmî ile memhur olarak gelip gidecek zarflar ile pâketler gümrükçe her nevi muamelâtdan bi't-tabi muaf olduklarından işbu nizamnâmenin ahkâmı bunlar hakkında cari olmayacaktır.

Fî 15 Temmuz sene 1285

Muharrer imza .... devleti jeneral konsolos veyahud konsolos veyahud konsolos vekili kendü istimâl-i zâtiye mahsus olarak vürûd etmiş olan âti'l-beyan eşyanın bilâ-resm gümrükden imrârını .... rüsûmat idaresinden iltimas ederim.

| Denklerin adedi | Marka ve numaraları | Eşyanın cins ve mikdarı | Bunların kıymeti | Mülâhazât |
| :--- | :--- | :--- | :--- | :--- |
| | | | | |

Memâlik