649

Dahi kezalik nümunesine tatbikan imalce tanzim edecekleri icmal-i umumisiyle ve kendü marifetleriyle vuku bulan tahsilatlarıyla maan ayrıca ve doğruca emanet-i müşarünileyhaya takdim edilecek ve işbu bey'iye resmi hasılatı zinhar müruriye hasılatına karıştırılmayarak yevmiye defatiri başkaca tutulacak ve duhan nazırı ve müdir ve memurlarından birinin infisali vukuuyla müddet-i idaresinde müruriye resminin tahsilat ve masarifat ve irsalatına dair görülecek muhasebeye dahi işbu bey'iye resmi muhasebesi karıştırılmayarak ayrıca rüyet ve defatir-i lazimesinin başkaca takdimine mübaderet kılınacak ve salifü'l-beyan on dördüncü bendde mezkur olduğu vechle erbabına ita kılınacak ruhsat tezkerelerini ve memurlar tarafından müdirlere ve müdirlerden nazırlara ve nazırlardan emanet-i müşarünileyhaya gönderilecek şehrî tahsilat defterlerini dahi baş kâtipler ile sandık eminleri duhan imrariye ve ruhsatiye tezkereleri ve icmal defterleri misillü nazır veyahud müdir veyahud memurlariyle birlikte temhir edeceklerdir.

Yirmi dördüncü bend. İşbu nizamnamede muharrer mevadın ale'd-devam tamamı icrasına Dersaadet duhan nezareti ve taşralarda duhan müruriye resmi nazırı ve müdir ve memurları taraflarından ikdam-ı tam ve takayyüd ve ihtimam olunarak hilafı halatın adem-i vukuuna dikkat kılınması vezaif-i memuriyetleri iktizasından olduğundan aña göre daima ibraz-ı meâsir-i mergube-i sıdk ve istikamet ve dirayete sarf-ı nakdine-i kudret olunduğu halde memduh ve mültefit olacakları gibi aksi halinde mesul tutulacaklardır.

82 fî