658

İspat olunduktan sonra bunun iki nüsha olmak üzere bir kıt'a mazbatası kaleme alınarak tarafeynden bi't-tathir bir nüshası duhan idaresi tarafından olan memur nezdinde ve diğeri kaçakçılariye memuru yedinde kalacak ve o vechile mazbata temhir olunduktan sonra duhanın bulunduğu dükkan veyahut mağaza memurîn-i mumaileyhima tarafından sedd ve temhir olunup iktiza eden resmin zecren üç misli te'diye olununcaya değin kapalı duracaktır. Zikr olunan ikinci memurca teftiş hakkında yekdiğeriyle ittifak edemeyip de duhan idaresi tarafından olan memur dükkan veya mağazanın cümlesini veyahut bir kısmını kapatmak hususunda ısrar eylediği takdirde mes'uliyet duhan idaresine raci' olmak üzere memur-ı mumaileyhin talebi vechile dükkan veyahut mağaza-i mezbur kapatılıp tarafeyn mührüyle temhir olunacaktır.

Beşinci Madde: Eğer kaçakçılariye memurunun her ne sebebe mebni ise refik te'ehhür edecek olur ise bayi'-i mezkûrun bu sırada duhanı veya sigarayı veyahut tömbeki ve emsali olan sairini kaldırıp savuşturması mahzuru melhuz bulunmasiyle kaçakçılariyeye varıp haber vermiş olacak olan duhan idaresi memuru duhan idaresi menafi'ini muhafaza etmek üzere gelip o misillü dükkanı veyahut mağazayı hasbe'z-zarure yalnız başına kapatmağa mübaderet edecek ve işbu dükkan veyahut mağazada mezkûr duhan enva'ından birisinin vücudu ispat olunamadığı halde bunun mes'uliyeti dördüncü maddede beyan olunduğu üzere idare-i mezbure üzerinde kalacaktır.

Altıncı Madde: Mevadd-ı meşruha gerek Dersaadet'de ve gerek düvel-i ecnebiye konsoloslarının bulunduğu taşra şehir ve kasabalarında tamamıyla mer'iyyü'l-icra tutulacaktır.

Memalik