668

Alındığı gösterilerek esmânı ihâle masraf kayd olunup rüsûmât müdîr ve me’mûrları ma’rifetiyle pul sebk etdirilecek ve işbu pullar kendü nezdlerinde hıfz olunacakdır.

Dördüncü mâdde: Bahren rüsûmât idârelerine gelecek duhân denk ve bohça ve kapları üzerinde bulunan kurşun mühürler rüsûmât müdîr ve me’mûrları ma’rifetiyle fekk ve hıfz edilerek tekrâr isti’mâle kâbiliyeti kalmamak içün sicimleri koparılıp sicimden eser bırakılmayacak ve mezkûr müsta’mel mühürler terâküm etdikçe sebk edilip pul dökülecekdir.

Beşinci mâdde: Temhîr olunacak duhân bohça ve denk ve sâir kaplarının bir tarafından ve üzerlerinde olan sargı veyâhud denkleri arasından çuvaldız ile sicim geçirilerek zikrolunan sicimin iki ucu bir yere getirilip muhkemce düğüm edilip düğümden sonra kalacak uçlardan beheri kurşun pulun ufak deliği içinden geçirilerek büyük delikden çıkarıldıkdan sonra işbu pul mersûl mühür makinesi arasına konulup ve kuvvetlice sıkışdırılıp mezkûr pulun bir tarafına idâre ve dîger cânibine duhân lafızları tab’ ve nakş hâsıl olarak mezkûr sicim bir daha deliklerden çıkamayacak hâlde sıkışıp kalacağından sâlifü’z-zikr duhân denk ve bohçalarına ve sâir kaplarına bu minvâl üzere ve her birine birer aded olarak kurşun mühürü darb olunacakdır.

[Duhân]