Büyük Dil Modeli Tarafından Üretilen Metin
70
( Büdce Nizâmnâmesi )
Birinci Madde: Beher sene Devlet-i Aliyye’nin kâffe-i masârifât ve vâridâtı ta‘yîn olunarak muvâzene defteri nâmıyla bir defter yapılub irâde-i seniyye-i hazret-i pâdişâhîye muvâfık olduğu hâlde bir senenin idâre-i umûmiye-i mâliyesinde işbu muvâzene esâs olacakdır.
İkinci Madde: Masârifât-ı dâimiye ikiye münkassim olarak birisi mukarrer ve muayyen ve her dâireye âid olan masârifât-ı mahsûsa ve diğeri Mâliye Nezâret-i Celîlesinden vukûbûlan masârifât-ı umûmiyedir. Birinci kısım olan masârifât-ı mahsûsa: Evvelâ Hazîne-i Celîle-i Hâssa’nın tahsîsât-ı seniyyesidir. Sâniyen Devlet-i Aliyye’nin hâl-i sulhda tutduğu asâkir-i berriyesinin masârifât-ı dâimiyesi olarak Nizâmiye Hazînesi’nin mahsûsâtıdır. Sâlisen Tophâne-i Âmire ve kâffe-i mühimmât-ı harbiyenin masârifât-ı dâimiyesi olarak Tophâne Hazînesi’nin mahsûsâtıdır. Râbian Devlet-i Aliyye’nin hâl-i sulhda tutduğu asâkir-i bahriyesinin ve Donanma-yı Hümâyûn’un masârifât-ı dâimiyesi olarak Tersâne Hazînesi’nin mahsûsâtıdır. Hâmisen hükkâm-ı şer‘in maîşetlerine âid umûr-ı şer‘iye mahsûsâtıdır. Sâdisen hayrât ve meberrâta mahsûs olan vâridât-ı vakfiyeden Hazîne-i Mâliye’nin idâresinde olan vâridât bedeli olmak üzere Evkâf-ı Hümâyûn Hazînesi’nin mürettebâtı ve masârifât-ı Hicâziye tahsîsâtıdır. Sâbian gerek Dersaâdet’de ve gerek taşralarda bulunan alel-umûm müstahdem ve mütekâid mülkiye me’mûrları maâşı ve sâir masârifât-ı mülkiye ve alel-umûm memâlik-i şâhânede bulunan kuvve-i zabtiyenin masârifi olmak üzere Umûr-ı Dâhiliye mahsûsâtıdır. Sâminen Dâire-i Hâriciye me’mûrları maâşı ve sefâretler masârifi olmak üzere Umûr-ı Hâriciye mahsûsâtıdır. Tâsian umûmen Dersaâdet’de ve taşralarda bulunan Mâliye me’mûrları maâşlarıyla tahsîsât-ı emvâl masârifi olmak üzere Umûr-ı Mâliye mahsûsâtıdır. Âşiran Dâire-i Ticâret ve Umûr-ı Nâfia me’mûrlariyle ticârete ve umûr-ı nâfiaya müteallik masârifât mukâbili Umûr-ı Ticâret ve Nâfia mahsûsâtıdır. On birincisi nezâret-i âliyesi Meclis-i Vâlâ riyâsetiyle Hâriciye Nezâretinde bulunan Maârif-i Umûmiye mahsûsâtıdır. İkinci kısım olan masârifât-ı umûmiye evvelâ düyûn-ı hâricî ve evrâk-ı nakdiye fâizi mürettebâtıdır.
( Büdce Nizâmnâmesi )
Birinci Madde: Beher sene Devlet-i Aliyye’nin kâffe-i masârifât ve vâridâtı ta‘yîn olunarak muvâzene defteri nâmıyla bir defter yapılub irâde-i seniyye-i hazret-i pâdişâhîye muvâfık olduğu hâlde bir senenin idâre-i umûmiye-i mâliyesinde işbu muvâzene esâs olacakdır.
İkinci Madde: Masârifât-ı dâimiye ikiye münkassim olarak birisi mukarrer ve muayyen ve her dâireye âid olan masârifât-ı mahsûsa ve diğeri Mâliye Nezâret-i Celîlesinden vukûbûlan masârifât-ı umûmiyedir. Birinci kısım olan masârifât-ı mahsûsa: Evvelâ Hazîne-i Celîle-i Hâssa’nın tahsîsât-ı seniyyesidir. Sâniyen Devlet-i Aliyye’nin hâl-i sulhda tutduğu asâkir-i berriyesinin masârifât-ı dâimiyesi olarak Nizâmiye Hazînesi’nin mahsûsâtıdır. Sâlisen Tophâne-i Âmire ve kâffe-i mühimmât-ı harbiyenin masârifât-ı dâimiyesi olarak Tophâne Hazînesi’nin mahsûsâtıdır. Râbian Devlet-i Aliyye’nin hâl-i sulhda tutduğu asâkir-i bahriyesinin ve Donanma-yı Hümâyûn’un masârifât-ı dâimiyesi olarak Tersâne Hazînesi’nin mahsûsâtıdır. Hâmisen hükkâm-ı şer‘in maîşetlerine âid umûr-ı şer‘iye mahsûsâtıdır. Sâdisen hayrât ve meberrâta mahsûs olan vâridât-ı vakfiyeden Hazîne-i Mâliye’nin idâresinde olan vâridât bedeli olmak üzere Evkâf-ı Hümâyûn Hazînesi’nin mürettebâtı ve masârifât-ı Hicâziye tahsîsâtıdır. Sâbian gerek Dersaâdet’de ve gerek taşralarda bulunan alel-umûm müstahdem ve mütekâid mülkiye me’mûrları maâşı ve sâir masârifât-ı mülkiye ve alel-umûm memâlik-i şâhânede bulunan kuvve-i zabtiyenin masârifi olmak üzere Umûr-ı Dâhiliye mahsûsâtıdır. Sâminen Dâire-i Hâriciye me’mûrları maâşı ve sefâretler masârifi olmak üzere Umûr-ı Hâriciye mahsûsâtıdır. Tâsian umûmen Dersaâdet’de ve taşralarda bulunan Mâliye me’mûrları maâşlarıyla tahsîsât-ı emvâl masârifi olmak üzere Umûr-ı Mâliye mahsûsâtıdır. Âşiran Dâire-i Ticâret ve Umûr-ı Nâfia me’mûrlariyle ticârete ve umûr-ı nâfiaya müteallik masârifât mukâbili Umûr-ı Ticâret ve Nâfia mahsûsâtıdır. On birincisi nezâret-i âliyesi Meclis-i Vâlâ riyâsetiyle Hâriciye Nezâretinde bulunan Maârif-i Umûmiye mahsûsâtıdır. İkinci kısım olan masârifât-ı umûmiye evvelâ düyûn-ı hâricî ve evrâk-ı nakdiye fâizi mürettebâtıdır.