731

Alaylarının elbisesi ve bi'l-umum asâkirin yağmurlukları nesk-i vâhidde ikmâl ettirilip gerek keçe çizme ve kundura ve feslerin bahâları ve ücret-i i'mâliyesi taraf-ı devletten i'tâ kılınır.
On dokuzuncu madde: Süvâri asâkir-i zabtiyenin hayvanları kendülerinin malıdır ve bunların eyerleri ve başlık ve şabrak gibi takımları süvâri asâkir-i nizâmiye takımlarına mümâsil olarak kezâlik taraf-ı devletten i'mâl ve i'tâ olunup esmânı süvâri askerinin tahsîsât-ı seneviyesinden tevkîf ve istihsâl kılınacaktır.

( Fasl-ı Sâlis )
( Asâkir-i Zabtiye Zâbitânının Usûl-i İntihâblarına Dâirdir )

( Fî 3 Rebî'u'l-evvel 1286 târîhiyle neşrolunan asâkir-i zabtiye )
( teşkîlât nizâmnâmesinin usûl-i intihâbiye faslına zeyl )
( olunan fıkra-i nizâmiyedir )

İşbu nizâmnâmenin yirmi dördüncü maddelerinde muharrer olduğu üzere kol vekilleri ve muâvinleri ve jurnal emînleri kemâkân alay beylerinin ve tabur ağalarına kadar zâbitân vâli-i vilâyetin tasdîkiyle intihâb olunup intihâbnâmeleri Zabtiye Müşîriyetine gönderilir ve bunlar Meclis-i Fırka-i Zabtiye'de bi't-tedkîk muâmelât-ı vâkıa muvâfık-ı kâide ise kabûl ve tasdîk ve değilse tebdîl olunur tabur ağalarıyla idâre emînlerinin ve alay beylerinin me'mûriyetleri dahi Meclis-i Fırka-i Zabtiye'de tedkîk ile Zabtiye Müşîriyeti cânibinden tasdîk olunduktan sonra fermân-ı âlî ile icrâ olunur.
Yirminci madde: Asâkir-i zabtiyenin kol vekilleriyle muâvinleri ve jurnal emînleri alay beylerinin ve tabur ağalarına kadar zâbitân vâli-i vilâyetin ve tabur ağalarıyla alay beyleri Zabtiye Müşîriyet-i Celîlesinin tasdîkiyle ta'yîn olunmak mukarrerdir.
Yirmi birinci madde: Tabur ağalarından jurnal emînlerine kadar zâbitân-ı zabtiyeden birinin azl ve ihrâcı mutlakâ istifâsına veyâhut nizâmen ve kânûnen muayyen olan ahvâlden birinin veyâ birkaçının sübûtuna mevkûf olduğundan...