740

Bölük ağaları ve muavinleri tarafından ol-babda verilecek takrirler vilayetlerde zaptiye alayı meclislerinde ve livalarda tabur meclislerinde rü’yet edilerek lâhık olacak hükümler üzerine kat’iyyen icabatı icra kılınır ve bundan ziyade cezayı mucib hareketler vazife-i askeriyeye müteallik ise muhakemeleri bi’l-istintak jurnalleri tabur ağalarına gönderilir ve vazife-i mülkiyeden ve ahval-i saireden dolayı müttehem olanların icab eden mecalis ve mehakimde muhakemeleri görülmek üzere derece-i töhmetleri tabur ağalarına ve en büyük hükümet memuruna tebliğ kılınır.

Fî 15 S sene 1287

( Vilayetlerde asâkir-i zaptiye alaylarının suret-i teşkiliyesi nizamnamesi )
( Mahsus ile muayyen olup vazife-i askeriyelerini dahi Zaptiye Müşiriyet )
( celilesi tarafından talimat-ı mahsusa ile tahdid olunduğu misillü asâkir )
( merkumenin vazife-i mülkiyeleriyle idarelerine müteallik icraat işbu talimat )
( umumiye ile tayin kılınmıştır )

( Fasl-ı Evvel )

( Asâkir-i zaptiyenin vazife-i mülkiyelerine dairdir )

Birinci Madde — Zaptiye askeri umur-ı mülkiye memurîn ve hademesinden olup bulundukları mahaller dahilinde devletin doğrudan doğruya veyahut bi’l-vasıta mesalih-i mülkiye ve maliye ve zabıtasına aid olmak üzere memurîn-i mülkiye taraflarından kendilerine emr ve havale olunan işleri nizam ve kaidesine tevfikan icra etmeye mecburdurlar.

İkinci Madde — Asâkir-i zaptiyenin vezaif-i mülkiyesi esasen iki kısımdır birincisi bulundukları memleketin ve ahalisinin hıfz-ı emniyet ve rahatı zımnında uhdelerine muhavvel olan vezaifin icrası ve ikincisi emval-i devletin umur-ı hıfziye ve tahsiliyesinde hükümet-i mahalliyenin tayin edeceği yolda hizmet edilmesi hususlarıdır.

Üçüncü Madde — Birinci kısmın envaı evvelâ kasaba ve karyelerin dahil ve haricinde
* Hırsızlık *