747

(Zaptiye nizamnamesine zeyl olmak üzere fi 11 Rebiülevvel)
(Sene 286 tarihinde neşr olunan talimat-ı umumiyenin)
(Sekizinci maddesine ilave olunacak)
(Fıkra-i nizamiyedir)

Memuren izam kılınacak zabitan ve neferat-ı zaptiyeye mahal-i memuriyetlerine
azimet için verilecek vapur navlunu veyahut mekkâri ücretinin bir nısfı dahi
masarif-i zaruriye mukabili olmak üzere ita kılınacak ve fakat avdetleriçün
mekkâri ücreti veyahut vapur navlunundan başka bir şey verilmeyecektir.

İrade-i seniye tarihi fi 22 Şevval sene 287
Ve fi 1 Kanun-i sani sene 286

(Zaptiye nizamnamesine tezyil olunacak)
(Fıkra-i nizamiye)

Sinan-ı askeriyeye dahil oldukları halde asakir-i zaptiye zabitliği
intihabnamesini istihsal edenlerin on sene hizmet etmedikçe istifaları
kabul olunmaz ve bu müddetten evvel mazeret-i meşrua üzerine istifaları kabul
olunanlar veyahut memuriyetlerinden tardı mucib cünha ile müttehem olanlar memuriyet-i
zaptiyeden ihracları tarihinden itibaren kur'aya idhal [kılınır

İrade-i seniye tarihi fi 21 Zilhicce sene 1286
Ve fi 12 Mart sene 1286