748

( Me’mûrîn-i teftîşiyenin sûret-i intihâbı ve vaz’ ve hareketleri )
( Hakkında ta’rîfâtı mutazammin ta’lîmâtdır )

( Teftîş me’mûrlarının lâzım olan sıfât-ı umûmiyesi )

Birinci bend teftîş me’mûrînine intihâb ve ta’yîn olunacak kimse evvelâ yirmi
yaşından elli yaşına kadar tâkat ve vücûdca sakâmet ve illetden sâlim olarak
tenâsüb-i a’zâ ashâbından olmak sâniyen müddet-i ömründe bir cinâyet cezâsıyla
mahkûmiyeti mesbûk olmamak sâlisen hükûmet işinde istihdâma elverecek
liyâkat-i zâtiye ve istikâmet-i kavliye ve fi’liyesi ve sâir ahvâl-i şahsiyesi
ma’lûm ve mücerreb olmak râbi’an ledü’l-iktizâ zabtiye neferâtına kumanda edecek
ve sözü te’sîr eyleyecek salâhiyet ve haysiyet erbâbından bulunmak hâmisen
şerâit-i mevzû’ası üzere îfâ-yı hüsn-i hizmet edeceğine dâir kefîl
ve sened virmek husûslarıdır (*)

( Birinci sınıf teftîş me’mûrlarının sıfat-ı lâzimesi )

İkinci bend şart-ı evveli ifâde-i merâma kâfi olacak derecede okuyub
yazması olmaktan ikinci yalnız okumak bilüb yazı yazmak bildiği hâlde
anın yerine başkası bilmekdir ve yâhud teftîşiye ve tahkîkıyede hidemât-ı
fevkalâde ile müsellem ve ma’rûf bulunmakdır işbu sınıf evvel teftîş me’mûrlarının
şehriye ma’âşları yedişer yüz ellişer guruşdur

( İkinci sınıf teftîş me’mûrlarının sıfat-ı lâzimesi )

Üçüncü bend birincisi mümkün mertebe okumak ve yazmak bilmek ikincisi
hiç olmaz ise Türkçeden mâ’adâ hangi vilâyetde ise oralarda cârî olan
elsineden birine vukûfu olmakdır ve yâ umûr-ı teftîşiye ve tahkîkıyede mehâret ve mümâresesi
müsellem ve ma’rûf bulunmakdır işbu sınıf sâni teftîş me’mûrlarının şehriye ma’âşları
beşer yüz guruşdur

( Üçüncü ve dördüncü sınıf teftîş me’mûrlarının )
( Sıfat-ı lâzimesi )

Dördüncü bend yazı yazmak bildiği hâlde mutlaka okumak bilmek ve zabtiyede

________________________________
(*) Karâr-ı ahîr hükmünce teftîş içün mahsûs me’mûrlar istihdâmından
sarf-ı nazar kılınmış olmağla vazîfeleri asâkir-i zabtiyeye ilâveten me’mûriyet olmuşdur

* ve yâ sınıf *