753

On beşinci bend: Me'mûrîn-i teftîşiyeden müddeti ikmâl ile çıkacak ve yâ hükûmetçe ihrâcına lüzûm görünüb bir yer açılacak olduğu hâlde oraya vilâyetden ve çıkarılan teftîş me'mûrunuñ mâ-dûnunda bulunan sıñıfdan o sıñıfa geçmege kâbiliyet ve istihkâkı hâiz âdem bulunduğu takdîrde mutlakâ ânıñ açılan yere ta'yîniyle hâricden âdem alınmayacakdır.

Fî 23 Rebî'ü'l-evvel sene 1284

( Zabtiye 'asâkirinden mahbûs îsâline me'mûr olan zâbitân )
( ve neferâtıñ vazîfe-i me'mûriyetleri hakkında tenbîhâtı )
( hâvî varakadır )

Bir mahalden dîger mahalle nakl ve îsâl olunacak mahbûs eger kâtil ve haydûd ve sâ'ir bu derece cinâyet sâhibi eşhâs-ı muzırradan ise kolları bağlandıkdan soñra boyunlarına zincîr urmak ve iktizâ eder ise ellerine bilekçe konmak câ'izdir ve bu vechle kayd ve bend olunmak mutlakâ şâyân olunan ve'l-hâsıl kânûnen kürek cezâsına lâyık ve müstahak bulunan eşhâs-ı muzırraya mahsûsdur.

Bend-i sâbıkda beyân olunan ahvâlden mâ-'adâ 'âdî sirkat ve hafîf darb ve cerh misillü ve sâ'ir o dürlü cünha ve kabâhat-ı hafîfe ashâbınıñ bir mahalden dîger mahalle nakl ve îsâlinde boyunlarına zincîr urulmak ve ellerine bilekçe konmak memnû'dur fakat bunlaryñ içinde firâr etmesi melhûz olanlar bulunur ise kazâ kâ'im-makâmları ve yâ zabtiyeniñ o mahalde bulunan eñ büyük zâbiti re'yiyle o makûleleriñ yalñız kolları bağlanmak lâzım gelür.

Zabtiye neferâtına tevdî' olunan nasıl mahbûs olur ise olsun mücerred neferâtıñ kaydsızlığı eseriyle firâr eder ise bu bâbda müsâmaha ve kaydsızlık eden neferât kânûn-ı cezânıñ yüz on yedinci mâddesi hükmünce iki âya kadar ve eger mahsûs firâr etdirilmiş ise kaçıran nefer üç seneye kadar habs olunmak...

fî
95