78

Bir şeye karşılık ittihaz olunması ve bir senenin masarifat ve muhassasatı diğer senenin masarifat ve muhassasatına karıştırılması caiz olmadığından her sene ahirinde zuhur edecek fazla muhassasat sene-i âtiyede vuku bulacak masarife karşılık ittihaz olunamayacağı gibi bir masraf için senin-i sabıkada iradesi istihsal olunup sarf olunmamış bulunan mebaliğ dahi sene-i haliye ve âtiye masarifine karşılık ittihaz edilemeyecek ve bu misillü iradesi istihsal olunmuş olan masraflar için bakayadan karşılığı olmadığı halde tekrar istizan olunmadıkça akçe sarfı tecviz olunamayacaktır.

Sekizinci Bend: Hazineden gönderilen muvazene defterleri üzerine vilayet muhasebelerinden dahi her sancak için bir muvazene defteri yapılıp elviye-i mülhakaya gönderilecek ve elviye-i mülhaka muhasebelerinden dahi sancak defterleri üzerine her kaza için bir muvazene defteri tanzim ile kazalara irsal kılınacaktır. Vilayet muhasebelerince hazineden gönderilen muvazene defteri esas-ı muamele ittihaz olunacağı misillü vilayet muhasebelerinden sancaklara ve sancaklardan kazalara gönderilecek muvazene defterleri dahi sancak ve kaza muhasebelerince esas-ı muamele ittihaz olunup bend-i sabıklarda zikr olunan ahkam ve muamelat liva ve kaza muhasebe kalemlerinde dahi icra kılınacaktır.

Dokuzuncu Bend: Beher sene vilayetlerden hazineye gönderilmekte olan muvazene defterleri hazineden bu kere gönderilen muvazene defterinin şekil ve heyetine tevfikan kemâ fi’s-sabık vakit ve zamanıyla gönderilecektir.

Fî 5 Safer sene 1288 ve fî 13 Nisan sene 1287

Seksan