780

Otuz İkinci Madde: Hamûlesinin kâffesi veyâhud bir mikdârı gaz, neft ve bezir ve bunlara mümâsil yağlardan ibâret olan sefâin-i ticâriye Boğaz içinde Çubuklu ile Paşabahçesi beyninde vâki‘ mahalle lenger-endâz olacak ve hükûmet tarafından ta‘yîn kılınan mevâkı‘a hamûlelerini nakl edeceklerdir.

Otuz Üçüncü Madde: Galata limanına nakl olunacak gaz hamûleleri harîk tehlikesinden sâlim olacak sûretde inşâ olunacak temür ma‘ûnalar ile getirileceği gibi bir ma‘ûnaya yüz sandıkdan ziyâde tahmîl olunmayacakdır.

Otuz Dördüncü Madde: Gaz ile memlû olan ma‘ûnaların mümkin mertebe sür‘at-i tahliyesine ve bir de iki ma‘ûnadan ziyâde mevcûd bulunmamasına Liman Nezâreti tarafından i‘tinâ olunacakdır.

Otuz Beşinci Madde: Hîn-i hâcetde tehlikede bulunan sefîneleri çekmek veyâhud mu‘âvenet-i lâzime-i sâireyi îfâ itmek üzere Liman Nezâretinin taht-ı idâresinde bir vapur bulunup işbu vapur dâimâ islim üzerinde oldığı hâlde Liman Nezâretinin emrine muntazıran müheyyâ bulunacakdır.

Otuz Altıncı Madde: Az vakitde çabuk islim viren nev‘inden iki kıt‘a vapur filikesi dâimâ hâzır bulunup bunların derûnunda buhâr vâsıtasıyla işler tulumbalar mevcûd olacakdır. Ve bu filikelerin mahsûs merkezi olup biri Liman dâiresinde ve dîgeri cisreyn beyninde Kürkçü Kapusunda mevcûd olacakdır. Ve bunlarda mahsûs zâbit ve tâife istihdâm olunarak tâifelere ameliyât-ı lâzime ta‘lîm olunacak ve filike derûnunda bulunan eşyâ ve edevât lâ-ekall haftada bir def‘a mu‘âyene olunacakdır.

Otuz Yedinci Madde: Âteş zuhûrunda en yakın olan tulumba merkezine evvel be-evvel haber getirecek kimesneye atiyye olarak elli guruş virilecekdir.

Otuz Sekizinci Madde: Halîc-i Dersa‘âdetde yolcı taşımakda ve gerek gemi çekmekde olan ufak vapurların bacalarından çıkan kömür duhânı azalmak içün âlât-ı mahsûsaları olacağından zikr olunan âlât gelecek seksen...

*bedî*