802

Nezaret-i Tıbbiye-i Mülkiye’ye bir rapor takdimine mecbur olduğu gibi ayda bir kere daire-i memuriyeti dahilinde tıbba müteallik meşhudatı üzerine dahi nezaret-i müşarün-ileyhaya malûmat-ı vazıha irsal eyleyecektir.

On dördüncü madde: Memleket tabibinin nezaretten kendisine irsal olunan talimata itiraz etmeğe salahiyeti olacak ise de talimat-ı cedide ahz etmezden evvel yedinde mevcud olan talimatın tağyir veyahud tehirine muktedir olamayacaktır.

On beşinci madde: Memleket tabibinin daire-i memuriyeti dahilinde ittihazı lazım gelen tedabir-i tıbbiyeye dair nezaretten alacağı emr üzerine hükümet-i mahalliyeye ihtarata hakkı olacaktır.

On altıncı madde: Mehakim-i şer’iye ve kanuniyenin taleb ve emriyle memleket tabibinin cinayata müteallik vukuat üzerine icra eyleyeceği keşfiyatda suret-i hareket ve vazifeleri talimat-ı mahsusasına tevfik olunacaktır.

( Fasl-ı Sâlis )
( Belediye Eczahanesinin suret-i idaresi )
( Beyanındadır )

On yedinci madde: Belediye eczahaneleri san’atda icazetnameyi hamil olan bir eczacının idaresi ve memleket tabiblerinin nezareti tahtında bulunacaktır.

On sekizinci madde: Belediye eczahanelerine iktiza eden ecza ve edevat-ı tıbbiye ile eczacının istidaları üzerine masrafı mensub olduğu mahallin idare-i belediyesi tarafından verilerek umur-ı tıbbiye-i mülkiye nezaretiyle bil-muhabere Dersaadet’in merkez eczahanesinden celb olunacaktır ve belediye eczahaneleri içün celb olunan ecza ve edevat mensub olduğu idare-i belediyenin taht-ı nezaretinde hıfz olunacak ve idare-i mezkûre eczahanenin altı ayda bir kere muhasebesini rü’yet edecektir.

On dokuzuncu madde: Fukaraya verilen reçeteler tabib tarafından musaddak olduğu halde eczahane tarafından bila-ücret imal olunacak ve bu reçeteler...

her