812

Birinci sene mektebin yalnız birinci sınıfı mevcûd olacağından müdîr ile bir hoca
alınacaktır.
Birinci sene birinci sınıfa ilm-i hikmet içün alınmış olan hoca ikinci sene
aynı sınıfa kimya dersini de beraber verecektir.
İkinci sene ikinci sınıf küşâd olunacağından üç hoca dahi alınacaktır.
Biri ilm-i teşrîh biri fenn-i nebâtât biri dahi fenn-i ispençiyâri içün üçüncü senesi
üçüncü sınıf küşâd olunacağından fizyoloji içün bir hoca alınıb ilm[-i]
hayvânât ve nebâtât hocasına ve müfredât-ı tıbbiye fenn-i ispençiyâri hocasına ihâle
olunacaktır.
Dördüncü sene küşâd olunacak dördüncü sınıfa ilm-i emrâz-ı dâhiliye ve serîriyât[-ı]
tıbbiye ve ilm-i emrâz-ı hâriciye ve serîriyât-ı cerrâhiye ve tıbb-ı kânûnî dersleri
içün üç hoca lâzım ise de anlardan biri mûmâileyh müdîr olacağından
serîriyât-ı cerrâhiye ve emrâz-ı hâriciye içün binbaşı ve tıbb-ı kânûnî içün
bir kolağası hoca alınacaktır.
Beşinci sene küşâd olunacak beşinci sınıfın derslerini dördüncü sınıf hocaları
okutacaktır.
İşbu beş sene hitâmında me'mûrîn-i tedrîsiye vazîfe-i me'mûriyetlerini hakkıyla icrâ
edüb matlûba muvâfık doktorlar yetişdirdikleri tebeyyün ve tahakkuk etdiği
sûretde kendilerine münâsib[i] vechle mükâfât ihsân olunması.

( Mekteb-i Tıbbiye-i Mülkiye’nin nizâmnâme-i esâsîsine zeyl )
( Olan fıkra-i nizâmiye )

Birinci Mâdde: Mekteb-i Tıbbiye-i Mülkiye’de tedrîsi meşrût olan fünûndan başka
sıhhat, emrâz-ı umûmiye ve hıfzı’ssıhha ve cerrâhî-i sagîr fenleriyle coğrafya ve ulûm[-ı]
riyâziye ve inşâ-i Türkî dersleri dahi okutdurulacaktır.

İkinci Mâdde: Mekteb-i Tıbbiye-i Mülkiye’nin müddet-i tahsîliyesi yedi sene olacaktır.

Üçüncü