822

Ustası diploması virildikde diplome resmi nâmıyla mekteb-i mezkûr
tarafından beş yüz guruş ahz olunacakdır.

Otuz yedinci bend: Yedlerinde bulunan diplomaları Mekteb-i Tıbbiye-i Şâhâne’den
olmayan eczacı ustalarından icra-yı san‘at-ı ispençiyariye itmek üzere
virilecek izinnâme içün kezâlik beş yüz guruş ahz olunacakdır.

Otuz sekizinci bend: İcra-yı san‘at-ı ispençiyariyeye dâir olub Mekteb-i Tıbbiye-i
Şâhâne’ye isrâ ve takdîmi lâzım olan her nev‘ kontrato ve senedât içün
fidye-i resmi olarak yirmi beş guruş ahz olunacakdır.

Otuz dokuzuncu bend: Her altı ayda bir def‘a nezâret ve muâyene olunan ispençiyar
dükkânları Mekteb-i Tıbbiye-i Şâhâne’ye ellişer guruş vireceklerdir. Fakat fevka’l-âde
olacak muâyeneleri meccanen olacakdır.

(Fasl-ı Sâbi‘)
(Mücâzât beyânındadır)

Kırkıncı bend: İşbu nizâmnâmeye muhâlif her nev‘ hâl ve hareket hakkında zikri
âtî vechle tertîb-i cezâ olunacakdır.

Kırk birinci bend: Ruhsatsız olarak ispençiyarlık san‘atının icrâsı dükkânın
kapatılmasını ve on mecidiyeden elli mecidiye altınına kadar cezâ-yı nakdî i‘tâsını
istilzâm idecekdir.

Kırk ikinci bend: İcra-yı san‘ate me’zûn olan ispençiyarların işbu nizâmnâmeye
muhâlif hareketleri zuhûrunda ahkâm-ı nizâmiyeye mugâyir bulunan eşyânın külliyen
zabtı ve bir mecidiye altınından elli mecidiye altınına kadar cezâ-yı nakdî ahzı
ve dükkânın üç aydan ziyâde olmamak üzere kapatılması ve iki seneyi tecâvüz itmemek
üzere yedinde bulunan ruhsatnâmenin istirdâdı ve yedinde bulunan ruhsatnâmenin
bütün bütün ahzı cezâlarıyla mücâzât olunurlar.

Kırk üçüncü bend: Zarar ve ziyânı müeddî olan ahvâlde müttehem olanlar haklarında
(Te'dîbât)