839

Tathire rağbet etdiğini ilan etmesi ve gerçi esna-yı rahda müddet-i karantinasını tekmil etmiş olur ise Dersaadet’e vusulünde pratika alması caiz ola ve eğer sekizinci maddenin ikinci bendinde zikr olunduğu vechle bulaşık kabul etmeyen hamuleli sefine tehi i'tibar olunacak ise de o misillü sefain hamulesini ihrac edeceği limana vusulünden i'tibar ile on beş gün karantina olacakdır. Gerçi bir tehi sefinenin derununda olan yolcu altı neferi tecavüz eder ise öyle sefinenin esna-yı rahda güzeran eden müddeti karantinaya mahsub olunmayıp karantinasının ibtidası Dersaadet’e vusulünden i'tibar oluna.

Dördüncü bend: Meşkûk ve bulaşık olan her bir sefine bir gardiyan alacak olduğundan Asitane’ye gelmezden evvel sair mahaller ve limanlar ile ihtilattan gayet ihtiraz edip ancak gardiyan-ı mezkûrun dikkat ve nezaretiyle bi’l-icab iskeleye bilâ-ihtilat çıkması caiz ola.

Beşinci bend: Hamuleli sefinenin karantinasına işbu nizamnamenin altıncı maddesinin birinci ve ikinci fıkrasında tahrir olunduğu vechle limana lenger-endaz olduğu günden şüru' oluna.

( Bir nefer ihtiyat gardiyanı )

Altıncı bend: Tehi olup esna-yı rahda karantinalarını tekmil etmezden Dersaadet’e vasıl olan ve hamuleli tevarüd eden sefineler karantinalarının hitamına değin boğazların birisinden aldıkları gardiyandan başka Dersaadet’de dahi diğer bir gardiyan alırlar.

( Hilaf-ı hareketde bulunanların te'dibleri hakkında )

Yedinci bend: Meşkûk yahud bulaşık patenteyi hamil olan kapudan marü’z-zikr boğazlardan vürud etdiği esnada derun-ı sefineye gardiyan almakdan nükûl etdiği halde iki kat karantina etdirile yahud karantinasını çıkarmazdan doğruca gidecek takımdan ise zabıtanı tarafından iktizasına göre te’dibat-ı şedidesi icra oluna.

Sekizinci bend: Fakat temiz tezkereyi hamil olan Karadeniz yahud Akdeniz...