860

Bulundukları kısımda illet veyâhûd ilel-i sâriye-i sâire veyâhûd mevt-i âmmenin vukûunda vakit fevt itmeksizin kezâlik konsolosları haberdâr idecekleri

On sekizinci bend — Sıhhiye me'mûrları tabîb-i mersûmlar ile sefînelerin patentalarını ve yolcuların tezkire-i sıhhiyelerini temhîr iderek bulundukları mahal ve havâlisinin ahvâl-i sıhhiyesini evrâk-ı mezkûre derûnunda zikr ve beyân idecekleri

( İllet-i vebâ zuhûr iden sefâin hakkında icrâ olunacak )
( Usûl-i sıhhiye beyânındadır )

Birinci mâdde — Mukaddem tanzîm olunan nizâmnâme-i bahriyede derûnunda illet-i vebâ zuhûr iden sefâin hakkında icrâ olunacak husûsât derc ve tastîr olunmamış olduğundan o makûle içlerinde illet-i mahûfe zuhûr itmiş sefâin hakkında icrâ olunacak kâffe-i husûsâtı mübeyyin ta'lîmâtnâmedir.

İkinci mâdde — Vebâlı sefîne derûnunda bulunup illet-i ma'hûdeden hasta olmamış olan sâir yolcuların ve sefînenin müddet-i karantinaları yirmi bir gün olup bulaşık kabûl iden eşyâsı otuz bir gün karantina olunacağı

Üçüncü mâdde — Bu makûle bulaşık sefînenin müddet-i karantinası içinde gerek hasta olsun gerek olmasın yolcu ve bulaşık kabûl ider ve bulaşık kabûl itmez eşyâ olsun cümlesi tahaffuzhâneye veyâhûd münâsib bir mahalle ihrâcı gününden bed' olunacaktır.

Dördüncü mâdde — Derûn-ı sefînede çıkub ispolyo itmek arzû itmeyen yolcuların karantinaları eşyâlarının havâlandırılmağa bed' olundığı günden i'tibâr olunup eşyâ-yı mezkûre karantinası tekmîle kadar vaz' olunan mahalde bırakılarak beher gün sâhibleri varub ellerile eşyâlarını kürk gibi karışdırmaları ve bulaşık kabûl iden eşyânın mecmû'ı rûzgâra asılub usûl-ı tathîriyesi icrâ olunmağa başlanıldığı günden i'tibâr olunacağı

Beşinci mâdde — Mat'ûn olan kimseler eşyâları ile berâber temiz yolculardan ayrıca bir münâsib mahalle vaz' olunarak iktizâsı vechile bir veyâhûd bir kaç nefer gardiyânın

Dikkat