Here is the transliteration of the Ottoman text into the Latin alphabet:

861

dikkat ve nezaretlerine ihale kılınıp merkum gardiyanlar tayin olundukları mahalden bir vechile mufarakat etmeyip mezkur vebalıların yanlarına bir kimesnenin takarrübüne ruhsat vermeyecekleri

Altıncı Madde
Mat'un olan kimesneler hasta oldukları vakitlerde daima kullandıkları yatak ve yorgan ve puşla sair bulaşık kabul eder eşya gerek esnayı rahda ve gerek tahaffuzhaneye duhul eylediklerinden sonra fevt oldukları vakitde ihrak olunacağı

Yedinci Madde
İşbu hastalara yanlarına mortici tayin olunmak ve tayin olunan morticiler hastaların yarelerini değişmeğe ve tabibin tertiplerini layıkı üzere icra eylemeğe sa'y etmeleri

Sekizinci Madde
Vebalı bir kimesne ile yolcular ve sefine veyahut eşya ihtilat eylediği suretde usul-i karantinaları müceddeden icra olunacağı

Dokuzuncu Madde
Bulaşık sefine derununda vürud eden yolcular mümkün olduğu mertebe birbirlerinden ayrılacağı ve merkumlara tahsis olunan odalara onar kişiden ziyade hasta vaz' olunmayıp her bir oda mahsus bir nefer gardiyanın dikkat ve nezaretine ihale olunması ve müddet-i karantinalarının intihasına değin bir odanın yolcuları öbür odanın yolcularıyla ihtilat etmeyecekleri

Onuncu Madde
Bulaşık sefine ile vürud eden yolcuların beyninde derun-i tahaffuzhaneye vaz' olunduktan sonra veba zuhur eder ise mezkur sefine ile gelip tahaffuzhanede işbu veba zuhur eden kimesne ile ihtilat etmeyen yolcuların müddet-i karantinaları tekmil oldukda serbestçe pratika verileceği

On Birinci Madde
Karantina eden kimesnelere tayin olunan tabib beher gün nezaret edip daima mess için ziyade dikkat etmesi ve bir kimesne hasta olduğu vakitde derhal diğerlerinden ayrı bir mahalle vaz' ettirip illetini tahkik edinceye kadar mahal-i mezburda bırakması

On İkinci Madde
Tahaffuz müdiri ve etibbası her şeyden ziyade umumen sıhhiye kanunnamesinin on dört ve on altı ve yirmi iki ve yirmi üç ve yirmi dört ve yirmi altı ve yirmi yedi ve yirmi sekiz ve yirmi dokuz ve otuz ve otuz bir