905

Rütbesini haiz bulunan cümle rehabandan olmasıyla beraber la-akal yedi sene mütemadiyen bir mansıbı kat’an lekedar olmayarak idare etmiş olması lazimedendir.

İkinci Madde
Patrik olacak zatın adab ve ahlakı şaibe-i tahrifden salim ve mümkün ise fünun ve maarifle beraber ulum ve kavanin-i kilisada kâmil ve ahkam-ı diniye ve feraiz-i ilahiyelerine riayeti meslek-i sabıkından sabit ve müstedel olması lazimeden olduğundan başka Ortodoks kilisesinin reisi ve bu dinde olanların peder-i ruhanisi olup zir-i idaresinde bulunan metropolidan ile Ortodoks mezhebinde bulunan sair müstakil kiliselerin dahi rabıta-i içtimaiyesi olduğundan her halde ve her vakit ve mahalde mezheb-i mezkuru kavlen ve fiilen gayret-i kâmile ile himayeye muktedir olması kilisenin umur-ı ruhaniyesi muktezasındandır.

Üçüncü Madde
Patrik bulunan zat kilisa-i şarkiyenin bir büyük reis-i ruhanisi olduğundan başka Fatih Sultan Mehmed Han Hazretleri tarafından ihsan buyurulup sair selatin-i izam-ı maziye taraflarından takdir ve ibka ve zat-ı şevket-simat hazret-i padişahi canib-i alisinden te’kid buyurulmuş olan imtiyazatı havi olan berat-ı alişanda muharrer kaffe-i hususatın icrasına me’mur olduğuna ve bu cihetle ahval-i mahsusada saltanat-ı seniyenin vasıta-i tenfiz-i ahkamı bulunduğuna binaen patriklike intihab olunacak zat bend-i sabıkda beyan olunan sıfatı cami olmakla beraber intihabı tasdik edecek olan saltanat-ı seniyenin emniyet-i kâmilesine şayan olması ve cihet-i ruhaniyeden gayrı ahvalde dahi ehliyet-i kâmilesi olarak usul ve kavanine vakıf ve umum milletin emniyet ve itibarını calib olmak için her cihetle işbu makama layık olacak evsaf ve haysiyet-i zatiye ile muttasıf bulunması ve la-akal pederindenberü aslen tebaa-i saltanat-ı seniyeden olması elzemdir.

( Fasl-ı Salis )

( Patrik intihabıçün teşekkül edecek meclis-i umuminin )
( heyeti beyanındadır )

Birinci Madde
İntihab meclis-i umumisi rehabin ve avamdan mürekkep olacaktır
ni
114