960

... münhasır olarak kilisa cemâati sandıkları içün kilisa meclisleri mârifetiyle ahz ve istifâ olunur.

Doksan İkinci Madde
Dersaâdet’de iâne-i umûmiyenin sûret-i tevzî ve tahsîli meclis-i cismânîde tahsîs ve meclis-i umûmîde tasdîk kılınub iâne-i mahsûsa dahi kilisa cemiyetleri tarafından tâyin olunur ve taşralarda her bir murahhaslık cemâatin iâne-i umûmiye ve her kilisa cemâatinin iâne-i mahsûsası dahi ber-vech-i meşrûh tanzîm kılınur.

Doksan Üçüncü Madde
Patrikhâne sandığı içün taşralardan ahzı mûtâd olan mebâliğin murahhaslıklara tevzîi ve usûl-i tahsîliyesi hakkında meclis-i umûmînin karârı üzerine ittihâz olunacak tedbîr Bâb-ı Âlî’den bi’l-istîzân icrâ kılınacaktır.

( Murahhaslıklara Dâirdir )

Doksan Dördüncü Madde
Murahhaslar kendü murahhaslıkları dâiresi dâhilinde akdolunan millet meclislerinin riyâsetini ve kuvve-i icrâiyesini hâizdir ve vazîfeleri işbu nizâmnâme-i esâsînin icrâ-yı ahkâmına nezâret eylemekden ibâretdir.

Doksan Beşinci Madde
Murahhaslar manastırlarda ikâmet edemeyüb murahhaslıkları merkezinde murahhaslık meclislerinin akd ve ictimâ etdiği konaklarda ikâmet edecek ve mahal-i hizmetlerinden tebâud etmeleri câiz olamayacaktır fakat bir murahhasın manastır reislerinden bulunduğu takdîrde manastırın mahal-i ikâmetinden yalnız bir günlük mesâfede vâki ise manastırını vakit vakit muâyene etmek üzere iki hizmeti dahi birlikde icrâ edebilüb manastırı bir günlük yoldan ziyâde mesâfede ise yerine bir vekîl tâyin ile kendüsünün mahal-i hizmetinde ikâmet etmesi lâzım gelir fakat lede’l-îcâb murahhaslık dâhilinde bulunan her bir mahalle gidebilür.

Doksan Altıncı Madde
Dersaâdet’de olduğu gibi taşralarda dahi her kilisa cemâatinin bir kilisa cemiyeti ve bir sandığı ve bir de kalemi olduğu misillü murahhaslık merkezinde dahi bir meclis-i rûhânî ve bir meclis-i cismânî ve bu mecâlis-i cismânînin taht-ı idâresinde olmak üzere bir sandığı olacakdır ve her murahhas konağında
bir kalem