964

( Fasl-ı Sâni )
( Haham başının vezaifiyle kendisini itham edebilecek )
( heyet beyanındadır )

Beşinci Madde — Haham başı bulunan zat kemal-i dikkatle nizamname ahkamına tatbik-i hareket ve nizamnamenin mevki-i icraya vaz’ıyla hilafında bulunanları veyahut aleyhinde va’z edenleri külliyen men’e dikkat ve nezaret edecektir. Bunun hilafı hareket kendisine mucib-i töhmet ve mesuliyet olarak hakkında on ikinci maddenin ahkamı icra kılınacaktır. Haham başı gerek doğrudan doğruya kendisine gelen ve gerek Bab-ı Ali tarafından havale buyurulan işleri bilmüzakere karar verilmek üzere aid olduğu meclis veya komisyona havale ederek verilen kararı havi mazbatası mucibince tarafından verilmesi lazım gelen ilam veyahut takriri ve sair resmi varakayı ita eyleyecektir. Ve bu işler üzerine cereyan eden muamelat ve verilen karar meclis-i cismaninin mazbata defterine kayd ve işaret olunacağından bir maddenin havale olunduğu heyetten evvel maddenin kararını havi mazbatası vürud etmedikçe ol iş için Haham başı tarafından re’sen ilam ve takrir verilemeyecektir.

Altıncı Madde — Ruhani ve cismani meclislerinde bir madde üzerine verilen karar nizamnameye muhalif olmadıkça tanzim olunan mazbatanın tasdikinde Haham başı muhalefet edemeyeceği misillü nizamnameye muhalif olduğu takdirde burasının zahire ihracı içün ol maddeyi yeniden huzurunda mevki-i müzakereye vaz’ edebilecektir.

Yedinci Madde — Meclis gününe değin te’hiri veyahut fevkalade meclis teşkiliyle serian rüyeti mümkün olmayan mesalih-i müstacele vukuunda Haham başı bulunan zat ol işin mesuliyetini deruhde ederek rüyet ve icra-yı icabına mübaderete mezun olup fakat meclis-i cismaninin ilk inikadında keyfiyeti tasdik ve mazbata defterine kayd ettirmeğe mecbur olacaktır.

Sekizinci Madde — Mecalis komisyon aza ve ketebe ve hademesiyle sair hizmet-i milliyede müstahdem olanlardan nizamname ile kendilerine verilen talimnameye muhalif harekette bulunanlar olup da Haham başı tarafına beyan ve ihbar olunur ise
Ol