975

Ve ihrâcâtı muhâsebesinin rü'yet ve tesviyesi meclis-i cismânîye âid olduğundan beher sene meclis-i umûmînin ilk in'ikâdında sene-i mâziye muhâsebesi ve mazbata defteri huzûr-ı meclis-i umûmîde kırâat ve tedkîk ve sene-i âtiye hakkında dahi lâzım gelen büdcesi tanzîm ve tertîb olunarak ikisi birden tab' ve neşr ile i'lân olunacaktır.

Kırk sekizinci mâdde — Gerek meclis-i rûhânî ve gerek komisyon reîsleri müzâkere olunacak mâddeyi meclise beyân edip a'zâ dahi müzâkere ettikten sonra ekseriyet-i ârâya mürâcaat lâzım gelip de arada tesâvî vukû' bulur ise reîsler kangı tarafı tercîh eder ise o tarafda ekseriyet hâsıl olmuş olur bundan gayrı husûsâtda reîsin re'yi a'zây-ı sâire gibi bir re'y 'addolunur.

İrâde-i seniye târîhi fî 23 Şevvâl sene 1281