109

Fakat şerikân üç ya ziyade olduğu surette şirketin infisahı yalnız fevt ya mecnun olan hakkında olup diğerleri beyninde şirket bâki kalır.

1353 Madde Şerikârdan birinin feshiyle şirket münfesih olur fakat anın feshini diğerin bilmesi şarttır. Birinin fesheylediği diğerinin malumu olmadıkça şirket münfesih olmaz.

1354 Madde Şerikân feshi şirket edip de nukud-ı mevcude birinin zimmetinde olan alacak diğerinin olmak üzere iktisam etseler kısmet sahih olmaz.
Bu surette nukud-ı mevcudeden biri ne kabz etse diğeri ona müşarik olur zimmetteki alacak dahi beynlerinde müşterek kalır.
(1123) maddeye bak.

1355 Madde Şeriklerden biri mal-ı şirketten bir miktarını alıp da imal ederken meçhelen fevt olsa terekesinden şerikinin hissesi istifa olunur.
(801) maddeye bak.

Fasl-ı Hâmis

( Şirket-i Müfâvaza beyanındadır )

1356 Madde Fasl-ı sânide beyan olunduğu üzere müfâvızlar yekdiğerin kefilidir. Binaenaleyh birinin ikrarı kendi hakkında nasıl nâfiz olursa şeriki hakkında dahi öylece nâfiz olur.
Ve biri deyn ikrar ettikte mukarrunleh her kangısından ister ise mutalebe eder ve bey’ ve şirâ ve icâre gibi şirket câri olan muamelâttan dolayı müfâvızlardan birine her ne türlü borç terettüp eder ise diğerine dahi lâzım olur ve birinin sattığı şey ayb ile diğerine red olunabildiği gibi birinin iştirâ eylediği şeyi diğeri ayb ile red edebilir.

1357 Madde Müfâvızlardan birinin kendine ve ehl-ü ayâline aldığı me’kûlât ve elbise ve sair havâic-i zaruriye kendisinindir.
Şerikinin onda hakkı yoktur.
Fakat bayi bunların semenini dahi bi-hasebi’l-kefâle şerikinden mutalebe edebilir.