112

Anın yedinde diğerin sermâyesi bizâa hükmünde olur.

1371 Madde Şerîklerin sermâyeleri mütesâvî olduğu halde birine
ribhden fazla hisse meselâ ribhin sülüsânı şart edilse ikisinin dahi
amel etmesi meşrût olduğu takdirde şirket sahîh ve şart mu'teber
olur ( 1345 maddeye bak )
Ammâ yalnız birisinin amel etmesi meşrût olduğu takdirde nazar olunur
amel eğer ribhden hissesi ziyâde olan şerîk üzerine şart edilmiş
ise kezâlik şirket sahîh ve şart mu'teber olur
ve ol şerîk mâliyle sermâyesinin ribhine ve ameliyle fazlasına müstahak olur
fakat anın yedinde şerîkinin sermâyesi mâl-ı muzârabe hükmünde olarak
muzârabeye şebîh bir şirket olur.
Ve amel eğer ribhden hissesi az olan şerîk üzerine şart edilmiş
ise câiz olmayıp ribh beynlerinde sermâyelerinin mikdârına göre
taksîm olunur.
Zîrâ ribh eğer şart ettikleri vechle taksîm olunsa âmil olmayan
şerîkin alacağı fazlaya mâl ve amel ve zamândan bir şey mukâbil olmaz. Ribha
istihkâk ise ancak bu umûr-ı selâseden biriyledir
( 1347 ) ve ( 1348 ) maddelere bak.

1372 Madde Şerîklerin sermâyeleri mütefâzıl meselâ birinin sermâyesi
yüz bin ve diğerinin sermâyesi yüz elli bin kuruş olduğu halde
ribhin beynlerinde müsâvât üzere taksîmi şart olunsa sermâyesi az
olan kimsenin sermâyesine nisbetle ribhden fazla hisse alması şart
edilmiş demek olacağından şerîklerin sermâyeleri mütesâvî olduğu
halde birine ribhden fazla şart edilmiş gibi olur.
Binâenaleyh ikisinin yâhûd ribhden hissesi ziyâde ya'nî sermâyesi
az olan şerîkin amel etmesi şart edilmiş ise şirket sahîh
ve şart mu'teber olur.
Ve eğer yalnız ribhden hissesi az ya'nî sermâyesi çok olan
şerîkin amel etmesi şart edilmiş ise câiz olmayıp kâr beynlerinde

( sermâyeleri )