114

Şerikin hissesinden berî olup âkid olan şerikin hissesinden berî
olmaz.
Ve yine bu cihetle âkid olan şerik sattığı malın semenini kabza âhar bir kimesneyi
tevkil etse şeriki anı azl edemez.
Amma bey ve şirâ ve icâre için şeriklerden birinin tevkil ettiğini diğer şeriki
azl edebilir.

1378 Madde: Ayıp ile red dahi hukuk-ı akdden olmağla şeriklerden birinin
iştirâ eylediği malı diğeri ayıp ile red edemez.
Ve birinin sattığı mal ayıp ile diğerine red olunamaz.

1379 Madde: Şeriklerden her biri mal-ı şirketi îdâ ve ibdâ edebilir
ve mudârebeye verebilir.
Ve akd-i icâre edebilir. Meselâ mal-ı şirketi hıfz için dükkân ve ecîr
istîcâr edebilir.
Amma şerikinin izni olmadıkça mal-ı şirketi kendi maliyle halt ve âhar kimesne
ile akd-i şirket edemez.
Edip de mal-ı şirket zayi olsa şerikinin hissesini zâmin olur.

1380 Madde: Şeriklerden biri diğerinin izni olmadıkça mal-ı şirketten
âhar kimesneye ikrâz edemez. Amma şirket için istikrâz
edebilir.
Ve biri her ne kadar akçe istikrâz eder ise bi'l-iştirâk şerikinin dahi borcu
olur.

1381 Madde: Şeriklerden biri umûr-ı şirket için âhar diyâra gittikde
masrafını mal-ı şirketten alır.

1382 Madde: Şeriklerden her biri diğerine re'yinle amel et yâhut
dilediğin gibi yap diyerek şirket işini yekdiğerin re'yine tefvîz etse her biri
tevâbi-i ticâretten olan işleri yapabilir.
Şöyle ki mal-ı şirketi rehn ve şirket için irtihân ve mal-ı şirket ile
sefer ve mal-ı şirketi kendi maliyle halt ve âhar kimesne ile akd-i şirket
edebilir.

(Amma)