143

Binaenaleyh bey’de mebi’ yahud semen olmağa salih olan şey sulhda bedel-i sulh olmağa dahi salih olur.

1546 Madde — Musalehun aleyh musalehin mal ve mülkü olmak şartdır. Binaenaleyh musaleh başka kimesnenin malını bedel-i sulh olarak verirse sulhu sahih olmaz.

1547 Madde — Gerek musalehun aleyh ve gerek musalehun anh kabz ve teslime muhtac ise malum olması lazımdır. Ve eğer kabz ve teslime muhtac değil ise malum olması şart değildir.
Mesela bir kimesne diğer kimesnenin yedinde bulunan bir haneden ve ol kimesne dahi anın yedinde bulunan bahçeden bir hak dava edip de ikisi dahi tayin-i müddeâ etmeksizin davalarından vazgeçmek üzere sulh olsalar sahih olur.
Kezalik bir kimesne diğerin yedindeki hanede bir hak dava edip de tayin-i müddeâ etmeksizin müddeâ aleyh ana bir bedel-i malum vermek ve o dahi terk-i dava etmek üzere sulh olsalar sahih olur.
Amma müddeî müddeâ aleyhe bedel vermek ve o dahi ana hakkını teslim etmek üzere sulh olsalar sahih olmaz.

Bab-ı Salis
(Musalehun anh hakkında olup iki faslı müştemildir)

Fasl-ı Evvel
(Sulh ani’l-ayan hakkındadır)

1548 Madde — Bir mal-ı muayyen davasından an ikrar sulh eğer mal üzerine vaki olur ise bey’ hükmündedir.
Bunda hıyar-ı ayb ve hıyar-ı rüyet ve hıyar-ı şart cari olduğu gibi gerek musalehun anh ve gerek musalehun aleyh akar olduğu takdirde şuf’a davası dahi cari olur.
Ve musalehun anhın küllisi yahud bazısı bi’l-istihkak zabt olunsa müddeî aleyhe vermiş olduğu bedel-i sulhun ol miktarını yani küllisini yahud bazısını geri alır.
Ve eğer bedel-i sulhun küllisi yahud bazısı bi’l-istihkak zabt olunsa müddeî