Büyük Dil Modeli Tarafından Üretilen Metin
164
Emlak tasarrufunda dahi muvazaaya ihtiyaç kalmamış ise de evkaf-ı gayr-i
mazbutenin adedi evkaf-ı mazbuteden ekser ve bunlara merbut olan
müsakkafat ve müstegallatın hukuk-ı tasarrufiyesince tevsi-i intikal kaidesi henüz
gayr-i mukarrer olmak hasebiyle muvazaa maddesi bu nev evkafın müsakkafat
ve müstegallatında el-yevm cari olduğundan evkaf-ı mezkûre merbutatının
tasarrufu tevsi-i intikal kanunundan hisse-yâb-ı müsaade olmadıkça ne muamele-i
mebhûsenin butlanı ilan etmek ve ne de bundan tehaddüs eden münazaat
ve deavinin mehakimce istimaına esas olacak bir kaideyi vaz ve icra
eylememek kabil olamamasiyle beraber muvazaa maddesinin cereyanı öteden berü
devletçe namarzi olduğu ve buna müteallik mehakimce ittihazı icab eden
usul evkaf-ı gayr-i mazbutenin tevsi-i intikali zamanına kadar bir muamele-i muvakkat
hükmünde tutmak lazım geldiği halde usul-i mezkûrenin nizam-ı daimî
şeklinde neşri münasib olamayacağından evkaf-ı gayr-i mazbute müsakkafat
ve müstegallatının tevsi-i intikali çaresinin istihsaline değin vesaya-yı resmiye
muvakkate kabilinden olmak üzere ba‘dezin müsakkafat ve müstegallat-ı evkafden
bi-izn-i mütevelli uhdesine akar ferağ olunan kimsenin ol akar uhdesinde
muvazaa bulunduğu yani namının müstear olarak mukayyed olduğu kendü
ikrarı veyahut tarafından verilmiş bir sened ile tahakkuk ettiği takdirde ol
akarın müstearünleh uhdesine geçirmeğe nizam müsaid ise hükmün sudurunu
müteakiben müstearünleh uhdesine nakl etmeğe ve nizam müsaid değilse bedeli
müstearünlehe aid olmak üzere âharın uhdesine ferağa mecbur olması
ve imtina eder ise rızasına bakılmayarak taraf-ı hükümetden ber-vech-i meşru
icabı icra kılınması ve nam-ı müstear sahibi hakk-ı intikale nail veresesini terk
ile vefat etmiş bulunur ise verese hakkında dahi işbu muamelenin aynile
cari olması ve nam-ı müstear sahibi hakk-ı intikale nail veresesi olmaksızın
vefat eylediği halde ol akar mahlûlen vakfı canibine aid olarak
müstearünlehin hiç bir taraftan davaya salahiyeti olmaması suretlerinin
esas-ı muamele ittihazına himmet buyurula deyu
Fi 14 Zi'l-hicce sene 1286 ve fi 5 Mart sene 1286
( Deyn )
Emlak tasarrufunda dahi muvazaaya ihtiyaç kalmamış ise de evkaf-ı gayr-i
mazbutenin adedi evkaf-ı mazbuteden ekser ve bunlara merbut olan
müsakkafat ve müstegallatın hukuk-ı tasarrufiyesince tevsi-i intikal kaidesi henüz
gayr-i mukarrer olmak hasebiyle muvazaa maddesi bu nev evkafın müsakkafat
ve müstegallatında el-yevm cari olduğundan evkaf-ı mezkûre merbutatının
tasarrufu tevsi-i intikal kanunundan hisse-yâb-ı müsaade olmadıkça ne muamele-i
mebhûsenin butlanı ilan etmek ve ne de bundan tehaddüs eden münazaat
ve deavinin mehakimce istimaına esas olacak bir kaideyi vaz ve icra
eylememek kabil olamamasiyle beraber muvazaa maddesinin cereyanı öteden berü
devletçe namarzi olduğu ve buna müteallik mehakimce ittihazı icab eden
usul evkaf-ı gayr-i mazbutenin tevsi-i intikali zamanına kadar bir muamele-i muvakkat
hükmünde tutmak lazım geldiği halde usul-i mezkûrenin nizam-ı daimî
şeklinde neşri münasib olamayacağından evkaf-ı gayr-i mazbute müsakkafat
ve müstegallatının tevsi-i intikali çaresinin istihsaline değin vesaya-yı resmiye
muvakkate kabilinden olmak üzere ba‘dezin müsakkafat ve müstegallat-ı evkafden
bi-izn-i mütevelli uhdesine akar ferağ olunan kimsenin ol akar uhdesinde
muvazaa bulunduğu yani namının müstear olarak mukayyed olduğu kendü
ikrarı veyahut tarafından verilmiş bir sened ile tahakkuk ettiği takdirde ol
akarın müstearünleh uhdesine geçirmeğe nizam müsaid ise hükmün sudurunu
müteakiben müstearünleh uhdesine nakl etmeğe ve nizam müsaid değilse bedeli
müstearünlehe aid olmak üzere âharın uhdesine ferağa mecbur olması
ve imtina eder ise rızasına bakılmayarak taraf-ı hükümetden ber-vech-i meşru
icabı icra kılınması ve nam-ı müstear sahibi hakk-ı intikale nail veresesini terk
ile vefat etmiş bulunur ise verese hakkında dahi işbu muamelenin aynile
cari olması ve nam-ı müstear sahibi hakk-ı intikale nail veresesi olmaksızın
vefat eylediği halde ol akar mahlûlen vakfı canibine aid olarak
müstearünlehin hiç bir taraftan davaya salahiyeti olmaması suretlerinin
esas-ı muamele ittihazına himmet buyurula deyu
Fi 14 Zi'l-hicce sene 1286 ve fi 5 Mart sene 1286
( Deyn )