167

Umûmen vilâyât ve müstakillen idâre olunan mutasarrıflıklara bildirildiği gibi gazetelerle ilân ve işâası dahi Matbûât İdâresine tebliğ olunmuş olmağla ma'lûmât olmak üzere Dîvân-ı Ahkâm-ı Adliyeye dahi işbu tezkire i'tâ kılındı.

Fî 9 Cemâziyelâhir sene 1292

***

( Ticâret Kânûnnâme-i Hümâyûnunun yüz kırk altıncı mâddesine zeyl olunan )
( Fıkra-i kânûniyyedir ) [6]

İşbu mâddenin hükmü açık bonolar hakkında dahi tamâmıyla cârîdir.

Fî 24 Rebîülâhir sene 1287

***

( Zeyl-i Kânûn-ı Ticâretin yirmi sekizinci mâddesine ilâve olunan fıkra )
( Nizâmiyyedir ) [7]

Eshâm-ı cedîde-i Devlet-i Aliyyenin ve gerek bu makûle sâir eshâm evrâkının bir taraftan bedeli nakden îfâ ve dîger taraftan evrâk aynen i'tâ olunmak üzere âdiyen bey' ve şirâsı mecâz olup fakat meydanda akçe ve evrâk olmadığı hâlde yalnız fîâtının tezâyüd ve tanâkusu üzerine havâî ve emr-i i'tibârî olarak cereyân eden muâmelât ve mukâvelât nâ-meşrû' ve binâenaleyh bunlardan mütevellid bilcümle senedât ve mukâvelât mehâkimde fâsid ve gayr-i makbûl addolunacaktır.

Fî 14 Şa'bân sene 1284

***

[6] Mezkûr mâdde birinci cildin dört yüz birinci sahîfesinde mündericdir.
[7] Mâdde-i mezkûr birinci cildin dört yüz elli birinci sahîfesinde mündericdir.