203

icrasıçün ta‘rife mûcibince alması lâzım gelen ücretin nısfını mütâlebeye hakkı
olur.

Yirmi dördüncü madde: Dava vekillerinin deruhde etdikleri davalardan
dolayı alacakları ücretlerin mikdarı ta‘rifenin kaçıncı kısmına müteallik ise
ol kısmı tanzîm edecekleri muharrerâta derc etmeleri lâzım geleceği misillü yirmi
altıncı maddeye tatbîkan kaleme alacakları müfredât defterlerinin her kaleminde dahi beyân
ve işâret kılınacakdır.

Yirmi beşinci madde: Dava vekillerinin ücûrât-ı mukannenesinden başka nizâmî
dâiresinde vukûbulan mesârif-i müsbitelerini müvekkillerinden istihsâle hakları
olduğu gibi icrâ-yı vekâlet etdikleri davaların netîce-i hükmü müvekkillerinin
aleyhinde zuhûr etse bile ta‘rife mûcibince lâzım gelen ücreti kezâlik
müvekkillerinden taleb ve tahsîle salâhiyetleri olacakdır.

Yirmi altıncı madde: Ücret-i mukannenesini mütâlebe edecek olan dava vekili
müvekkilin imtinâı takdîrinde davanın fasl olunduğu mahkemeye bir istid‘ânâme
ile bir kıt‘a müfredât defteri ve bunları te’yîd edecek evrâkı i‘tâ ederek
taleb olunan ücret tarafeyn muvâcehesinde mahkemece tedkîk ve tasdîk
olundukdan sonra kaç guruşa bâliğ olur ise yekûnu istid‘ânâme üzerine
rakam ve ibâre ile yazılarak mûcibince tahsîli işâret ve vaz‘-ı târîh
olundukdan sonra reîs-i mahkeme cânibinden imzâ ve mahkeme mührüyle tahtîm
edilecek ve mahkûmunbih olan ücret icrâ cem‘iyeti tarafından tahsîl
kılınacakdır.

Yirmi yedinci madde: Dava vekillerinin tanzîm edecekleri muharrerât ile
verecekleri evrâk ve senedât sûretleri varaka-i sahîha üzerine yazılmamış
bulunur ise hîç bir mahkemede kabûl olunmayacakdır.

Yirmi sekizinci madde: Ta‘rife mûcibince istihsâl olunacak ücretler sîm
mecîdiye yirmi guruş i‘tibâriyle hesâb olunacakdır.

Yirmi dokuzuncu madde: Dava vekillerinin müvekkillerinden mukâvele-i mahsûsa
tahtında ücret almaları dahi câiz olup fakat beş bin guruşa kadar olan
davalar içün mukâvele eyledikleri ücretlerin ta‘rifede muayyen mikdarı tecâvüz