204

Ikamesi ve beş bin kuruştan ziyade olan davalar içün mukavele tahtına
aldıkları ücretlerin kemiyeti dahi meblağ-ı müddeanın nihayet yüzde yirmisini geçmemesi
meşrutdur

Fasl-ı Râbi

( Dava vekilleri cemiyetinin suret-i teşkil ve vezaifi beyanındadır )

Otuzuncu madde Dava vekillerinin umur ve hususatına bakmak ve Nezaret-i
Ahkam-ı Adliye tarafından icra olunacak tebligat-ı resmiyeye vasıta ittihaz kılınmak
üzere bir cemiyet-i daime tesis olunacakdır

Otuz birinci madde İşbu cemiyet bir reis-i evvel ve bir reis-i sani ve dört
azadan ibaret olup bunlar Dersaadet’de mukim ve icray-ı vekalete me’zun
bulunmak şartıyla dava vekilleri tarafından ekseriyet-i ârâ ile intihab olunacakdır

Otuz ikinci madde Reis ve azanın müddet-i me’muriyetleri iki sene olup
her sene azanın nısfı tebdil olunarak yerlerine diğerleri intihab olunmak
üzere ilk senenin hitamında çıkacak iki aza içün kur’a keşide
olunarak ve diğer sene eskileri çekilerek yerlerine başkaları intihab kılınacak
ve ikinci sene hitamında reislerin dahi müddet-i me’muriyeti münkaziye olmuş
bulunacakdır

Otuz üçüncü madde Madde-i sabıkada beyan olunan suretle çıkacak aza
aradan bir sene mürur etmedikçe yeniden intihab olunmayıp fakat reislerin
tekrar intihabı caiz olacakdır ve evvel be-evvel reislerin ve ba’de azanın bir def’ada
intihabı icra olunarak hitamında cemiyetin reis-i evveli kendisinin ve reis-i
sani ile azay-ı sairenin intihabını ba-takrir Ahkam-ı Adliye Nezaretine iş’ar
eyleyecekdir

Otuz dördüncü madde Reis ve aza intihabında esas ittihaz olunmak üzere
dava vekilleri yine Daire-i Ahkam-ı Adliyede mahfuz cedvelin suret-i musaddakası
cemiyete verileceği gibi ileride işbu cedvele kayd ve yahud kaydları terkin
olunan dava vekillerinin isimleri dahi cemiyete tebliğ kılınacakdır

Otuz beşinci madde Heyet-i cemiyetin efradı intihab olunduktan sonra
(kendileri)