230

Beşinci ve on altıncı ve on yedinci ve on sekizinci ve on dokuzuncu ve yirminci ve altmış altıncı maddeleri ahkâmına tatbikan icra edilir. Bunların gayrı olarak muhzırlar marifetiyle isal ve tebliğ olunacak sair evrak için dahi her muhzırın yanında bir ufak defter bulunarak işbu defterin mahall-i mahsuslarına evrakın numarasıyla kangı tarihde muhzırlara verildiği ve nevi ve kime tebliğ ve teslim olunacağı hususu evrakı veren mahkeme veya meclisler taraflarından başka başka işaret olunacak ve muhzırlar dahi işbu evrakı iktiza edenlere tebliğ ve teslim eylediklerinde defter-i mezkûrun açık olan nihayet mahalli hizasına evrakı alan kimseden vaz’-ı imza veya tahtim ettireceklerdir.

Yirmi birinci madde — Madde-i sabıkada muharrer defterden şayet kâğıd çıkarılır ise anlaşılmak için nihayet varakasına kadar sahifeler balasına rakam konulacak ve kaç varak ise defterin nihayetine işaret olunarak muhzırın müstahdem olduğu heyetin reisi tarafından imza ve mahkeme mührüyle dahi temhir edilecektir.

( Madde-i Mahsusa )

Hademe ve muhzır sınıfının işbu talimat dairesinde ifa-yı hizmet etmelerine ve vazifelerini suiistimal etmemelerine vali ve mutasarrıf ve kaymakamlarla mehakim ve mecalis rüesası taraflarından nezaret ve dikkat olunacak ve mücerred kayıdsızlık eseri olarak mugayir-i tenbihat zuhura gelecek fiil ve hareketlerinden memurin-i müşarünileyhim mesul tutulacaktır.

Fî 11 Rebiülevvel sene 1293 ve fî 25 Mart sene 1292

( Hapishaneler Gardiyanları İçin Talimatdır )

Fasl-ı Evvel

( Gardiyanların hal ve sıfatları beyanındadır )

Birinci madde — Her vilayetin merkez-i idaresi ile liva ve kazalar hapishaneleriçün bir gardiyan sınıfı teşkil olunacaktır.

( İkinci )