268

Fi 24 Mart sene 89 tarihinde tab' ve neşr olunan zeyldir
A'şar ve emval-i saire mektûmâtını ihbar ve zahire ihrac edenlere i'tası
nizamı iktizasından bulunan humus-ı ihbariyenin daima taharri ve tecessüs-i emval-i
mektûme ile mükellef olan memurîn müstesna olarak yalnız zahair-i mektûme
muhbirlerine verilmesi ve fakat işbu humsun kırk yedinci maddede muharrer ceza istihsal
kılındıkça bir uşurdan ifası lazım geliyor

***

( Ber-batn-ı evlad intikal eden eshamın intikalinde faiz-i seneviyesinin rub'una )
( muadil harç alınmasına dair tahrirat-ı maliye )
Ber-batn-ı evlad intikali meşrut olan eshamın hin-i küşadında kasr-ı yed
ve intikal içün alınacak resm tayin edilmemiş olmasıyla bir müddet adi
esham gibi muamele olunduğu halde muahharan o nev eshamların kasr-ı yedinden
faiz-i seneviyesinin iki yıllığı alınması kararlaştırılıp fakat intikalinde yine
usul-i atikaya tebaiyetle sehm-i munhal-i müteveffanın bir oğluna veya kızına intikal
olur ise beher bin kuruş faiz-i seneviyesi içün beş yüz yirmi dokuz
ve müteaddid evladına kaldığı halde diğerlerinden işbu faizin yüzde yirmi
kuruş mikdarı harç alınmakta ise de bu suret vilayatça istifa-yı rüsumda
müşkilatı müstelzim olmakda bulunduğuna ve hal vukuunda nısfı hazineye ve nısf-ı
diğeri evlada aid eshamın intikalinde faiz-i seneviyesinin rub'u alınmakda
olarak mebhus anha olan eshamdan dahi o kadar harç istihsali mu'tedil
olacağına binaen bu suretin nizam-ı mahsusuna bi't-tezyil ifa-yı muamelat
muktaziyesi hususuna Şura-yı Devlet kararıyla bi'l-istizan irade-i seniye-i cenab-ı
Padişahi müteallik buyurularak ol-babda şerefvârid olan buyuruldu-ı ali
mucibince masarifat-ı umumiye muhasebesince iktizası icra ve keyfiyet tamimen
iş'ar ve enba kılınmış olmakla oraca dahi ifa-yı muktezasında himmet
Fi 5 Zilhicce sene 1292

( Tahsilat )