310

( Hâtime )

Otuzuncu madde — Resm-i tamga idare-i mahsusası rüsumat emanet-i celilesinin taht-ı nezaretinde olup tamgalı evrak ve tamga ile pulların Dersaadet’de ve gerek taşralarda nerelerde bulunacağı idare-i mahsusası tarafından gazeteler vasıtasıyla ilan olunacak ve bu usulün henüz icra olunmadığı mahallerde tanzim olunan evrak ve senedat hakkında on üçüncü madde mucibince muamele olunacaktır.

Otuz birinci madde — İşbu nizamname bin iki yüz doksan sene-i maliyesi şehr-i Mart’ı ibtidasından itibaren varaka-i sahiha nizamnamesinin makamına kaim olacaktır.

Fî 11 Şevval sene 290 ve fî 30 Teşrin-i Sani sene 289

( Zeyl )

Dersaadet ve taşralarda bilâ-ruhsat evrak-ı sahiha furuht edenler ile ruhsatlı olup da fi’-i mukarrer-i mirîsinden ziyadeye satmağa cür’et eyleyenlerden üçer aded yüzlük Osmanlı altını ve tekerrürü halinde iki misli ceza-yı nakdî tahsil kılınacaktır.

Fî 16 Cemaziyelevvel sene 1292 ve fî 8 Haziran sene 1291

( Rüsum )