314

( Efrad-ı ahaliden evrak-ı sahiha ve damga pulu satacak olanların olbabda )
( olan mecburiyetleriyle rüsumat memurlarının icra edecekleri )
( muamelata dair talimatdır )

( Birinci Fasıl )
( Evrak-ı sahiha ve pul bey' edecek olanlar hakkındadır )

Birinci Madde — Gerek ticaret-i saire içün açılmış bulunan dükkân ve mağazalarda
ücret-i bey'iye ile evrak-ı sahiha ve pul satacak olan ve gerek bilhassa
bunları satmak üzere dükkân ve mağaza açmağa tâlib bulunanlar Dersaadet'de evrak-ı
sahiha idaresine ve taşralarda rüsumat nezaret ve müdüriyetlerine bilmüracaa
bir kıt'a ruhsat tezkiresi almağa ve dükkân ve mağazalarının üzerine ( Varaka-i
Sahiha ve Pul ) ibaresiyle bir levha ta'lik etmeğe mecburdurlar.

İkinci Madde — İhtiyacat-ı mevkiiyeye göre iktiza eden cinsden lüzumu kadar
evrak ve pulun varaka-i sahiha dükkânlarında mevcud bulunması lâzım gelir isede
hiçbir bayi' evrak-ı sahiha ve pulun bilcümle ecnasından almağa ve dükkânda bulundurmağa
mecbur değildir.

Üçüncü Madde — Bayi'ler beher def'ada yüz kuruşlukdan akall olmamak üzere
istedikleri mikdar evrak ve pulu Dersaadet'de evrak-ı sahiha idaresine
ve taşralarda rüsumat nezaret ve müdüriyet ve memuriyetlerine müracaatle esmanından
ücret-i bey'iyesi bittenzil kusurunu peşinen vererek alacaklar ve idarenin
ma'lumatı olmaksızın yed-i âhardan külli ve cüz'i evrak ve pul alamayacaklardır.
Zikr olunan ücret-i bey'iye Dersaadet'de ve Dersaadet mülhakat nezaretine merbut
mahallerde yüzde beş ve taşralarda yüzde yedi kuruş olacakdır.

Dördüncü Madde — Bayi'lerin ellerinde bulunan evrak-ı sahiha ve pul idare memurları
tarafından her ne zaman yoklanmak istenilür ise derhal irae etmeğe mecbur
olacaklardır.

( İkinci Fasıl )
( Evrak-ı sahiha ve pul satacak olanlar hakkında rüsumat memurlarının icra )
( edeceği muamelata dairdir )

Beşinci Madde — Her bir rüsumat idaresi dahilinde elziyade muharrer olan ve muamelat
( Ahz )