Büyük Dil Modeli Tarafından Üretilen Metin
316
Dokuzuncu Madde — İşbu ceza-yı nakdînin istifası maddesinden dolayı tekevvün edecek münazaat ve daavi tuz ve tütün ceza-yı nakdîleri hakkında bi’l-irade-i seniye cari olan kaideye tevfikan Dersaadet’te Rüsumat Meclisi’nde ve taşralarda canib-i Rüsumat’tan müddei sıfatında bir memur hazır olduğu halde mecalis-i idarede rü’yet ve tesviye olunacaktır.
Onuncu Madde — İşbu talimat ahkâmı hilafında hareket eden bayiler hakkında muayyen olan cezalardan başka icabına göre tenbihat icrasına veyahut bayilikten ihracına idarenin hakkı olacaktır.
On Birinci Madde — Bu talimat mucibince ruhsat tezkiresiyle dükkan küşadı Rüsumat İdaresi bulunan ve Rüsumat İdaresi olmayıp da idare canibinden ruhsat tezkiresiyle varaka-i sahiha dükkanı açılmış olan mevakıa mahsus ve münhasır olacaktır.
(Madde-i Muvakkate)
İşbu talimatın her tarafta neşr ve ilanı tarihinden itibaren iki mah mühlet tayin kılınmış olduğundan ruhsatsız olarak yedlerinde bey’ için evrak-ı sahiha bulunanlar Dersaadet’te Evrak-ı Sahiha İdaresi’ne ve taşralarda Rüsumat Nezaret ve Müdüriyet ve Memuriyetlerine mühlet-i mezbur içinde müracaatle dükkan ve mağazasının semt ve sokak ve numarasını ve yedlerinde bulunan evrak-ı sahihanın cins ve miktarını ba-pusula beyan ederek dükkan ve mağazası altıncı maddede beyan olunduğu vechle idarenin tayin eylediği mevakıdan birinde ise şerait-i nizamiye ile ruhsat tezkiresi alacaklardır. Dükkan ve mağazaları mevakı-i muayyenenin gayrında ise yedlerindeki evrak Dersaadet’te Evrak-ı Sahiha İdaresi ve taşralarda Rüsumat Müdüriyet ve Memuriyetleri marifet ve nezaretleriyle teslim kılınmak ve esmanından ücret-i beyiyesi ba’de’t-tenzil üst tarafı taraflarından tediye olunmak üzere diğer dükkan açacak olanlara mal edilecektir. Ve bu mühletin inkızasından sonra her kimin dükkan ve mağazasında ruhsat tezkiresi olmayarak evrak-ı sahiha ve pul bulunur ise haklarında sekizinci madde hükmüne tevfikan muamele olunacaktır.
Fi 29 Cemaziye’l-ahire sene [1]292 ve fi 20 Temmuz sene [12]91
(İlan)
Dokuzuncu Madde — İşbu ceza-yı nakdînin istifası maddesinden dolayı tekevvün edecek münazaat ve daavi tuz ve tütün ceza-yı nakdîleri hakkında bi’l-irade-i seniye cari olan kaideye tevfikan Dersaadet’te Rüsumat Meclisi’nde ve taşralarda canib-i Rüsumat’tan müddei sıfatında bir memur hazır olduğu halde mecalis-i idarede rü’yet ve tesviye olunacaktır.
Onuncu Madde — İşbu talimat ahkâmı hilafında hareket eden bayiler hakkında muayyen olan cezalardan başka icabına göre tenbihat icrasına veyahut bayilikten ihracına idarenin hakkı olacaktır.
On Birinci Madde — Bu talimat mucibince ruhsat tezkiresiyle dükkan küşadı Rüsumat İdaresi bulunan ve Rüsumat İdaresi olmayıp da idare canibinden ruhsat tezkiresiyle varaka-i sahiha dükkanı açılmış olan mevakıa mahsus ve münhasır olacaktır.
(Madde-i Muvakkate)
İşbu talimatın her tarafta neşr ve ilanı tarihinden itibaren iki mah mühlet tayin kılınmış olduğundan ruhsatsız olarak yedlerinde bey’ için evrak-ı sahiha bulunanlar Dersaadet’te Evrak-ı Sahiha İdaresi’ne ve taşralarda Rüsumat Nezaret ve Müdüriyet ve Memuriyetlerine mühlet-i mezbur içinde müracaatle dükkan ve mağazasının semt ve sokak ve numarasını ve yedlerinde bulunan evrak-ı sahihanın cins ve miktarını ba-pusula beyan ederek dükkan ve mağazası altıncı maddede beyan olunduğu vechle idarenin tayin eylediği mevakıdan birinde ise şerait-i nizamiye ile ruhsat tezkiresi alacaklardır. Dükkan ve mağazaları mevakı-i muayyenenin gayrında ise yedlerindeki evrak Dersaadet’te Evrak-ı Sahiha İdaresi ve taşralarda Rüsumat Müdüriyet ve Memuriyetleri marifet ve nezaretleriyle teslim kılınmak ve esmanından ücret-i beyiyesi ba’de’t-tenzil üst tarafı taraflarından tediye olunmak üzere diğer dükkan açacak olanlara mal edilecektir. Ve bu mühletin inkızasından sonra her kimin dükkan ve mağazasında ruhsat tezkiresi olmayarak evrak-ı sahiha ve pul bulunur ise haklarında sekizinci madde hükmüne tevfikan muamele olunacaktır.
Fi 29 Cemaziye’l-ahire sene [1]292 ve fi 20 Temmuz sene [12]91
(İlan)