Büyük Dil Modeli Tarafından Üretilen Metin
337
Yirmi üçüncü madde: Her tacir mağazasına idhal ve mağazasından ihrac edeceği tütünü yazmak içün kullanacağı defteri idareden irae olunan nümunesi vechle tedarik edip bunung [bunun] evrakına idare canibinden numro vaz‘ ve tahrir ve cildinden bir şerit geçirilip derunundan kâğıd çıkarılamayacak suretde temhir etdirmeye ve her defa mağazadan çıkan tütünün mikdarını ve müşterisinin ismini ve bunun içün verdiği tezkere numrolarıyla tarihini ale’l-vechi’l-izah bu deftere kayd etmeğe mecbur olacakdır.
Yirmi dördüncü madde: Bir tacir mağazasından idarenin ruhsatıyla açılmış bir fabrikacıya tütün satdigi [sattığı] halde bunu kabz eylediğini musaddak defterde olan sütun-ı mahsusuna ol fabrikacıyı imza etdirmeye ve tütünü iştira edecek olan şahıs fabrikacı değil ise bu makulelere satdigi tütünü müşterisine zimmet kayd olunmak içün idareye haber vererek kendü zimmetinden tenzil etdirmeye mecbur olup bunun hilafında olarak mağazasından ihrac edeceği tütün ol tacirin zimmetinden tenzil olunmayacaktır.
Yirmi beşinci madde: Rüsumat memuru senede iki defadan ekall olmamak üzere her ne vakit lüzum ve münasib görür ise mağazasında tütün bulunan tacirin tütün defteriyle yedinde bulunan tezkere koçanını teftiş ve muayene ve mevcud tütünlerini kuyûdiyle müvazene etmeğe muktedir olup tacir dahi buna muvafakat etmeğe mecburdur. Şayet rüsumat memurunun bu vechle teftiş ve muayene ve tütünü müvazene etmesine muhalefet eden olur ise rüsumat memuru derhal hükümete bi’l-müracaa marifet-i hükümetle muayene ve teftiş etdirecek ve mağazasında bulunan tütünlerde hile ve fesad ve hukuk-ı mîriyece zayiât görüldüğü takdirde o makulelerin mağazaları derunlarında başka malı bulunsa bile bilâ te’hir canib-i hükümetden ve idare tarafından müştereken temhir olunup müteakiben meclis-i idare ile rüsumat idaresi tarafından tayin olunacak müşterek komisyon marifetiyle emr-i teftiş ve muayene icra ve ba‘de’l-muhakeme hükm-i nizam ifa kılınacak ve böyle bir hal vukuunda berminval-i bâlâ derununda sair eşya bulunan mağazalar dahi taht-ı temhire alınacağı cihetle yerli ve ecnebi tüccarın tütün vaz‘ etdiği mağazada sair eşya bulundurmaması lâzım gelecekdir.
Yirmi üçüncü madde: Her tacir mağazasına idhal ve mağazasından ihrac edeceği tütünü yazmak içün kullanacağı defteri idareden irae olunan nümunesi vechle tedarik edip bunung [bunun] evrakına idare canibinden numro vaz‘ ve tahrir ve cildinden bir şerit geçirilip derunundan kâğıd çıkarılamayacak suretde temhir etdirmeye ve her defa mağazadan çıkan tütünün mikdarını ve müşterisinin ismini ve bunun içün verdiği tezkere numrolarıyla tarihini ale’l-vechi’l-izah bu deftere kayd etmeğe mecbur olacakdır.
Yirmi dördüncü madde: Bir tacir mağazasından idarenin ruhsatıyla açılmış bir fabrikacıya tütün satdigi [sattığı] halde bunu kabz eylediğini musaddak defterde olan sütun-ı mahsusuna ol fabrikacıyı imza etdirmeye ve tütünü iştira edecek olan şahıs fabrikacı değil ise bu makulelere satdigi tütünü müşterisine zimmet kayd olunmak içün idareye haber vererek kendü zimmetinden tenzil etdirmeye mecbur olup bunun hilafında olarak mağazasından ihrac edeceği tütün ol tacirin zimmetinden tenzil olunmayacaktır.
Yirmi beşinci madde: Rüsumat memuru senede iki defadan ekall olmamak üzere her ne vakit lüzum ve münasib görür ise mağazasında tütün bulunan tacirin tütün defteriyle yedinde bulunan tezkere koçanını teftiş ve muayene ve mevcud tütünlerini kuyûdiyle müvazene etmeğe muktedir olup tacir dahi buna muvafakat etmeğe mecburdur. Şayet rüsumat memurunun bu vechle teftiş ve muayene ve tütünü müvazene etmesine muhalefet eden olur ise rüsumat memuru derhal hükümete bi’l-müracaa marifet-i hükümetle muayene ve teftiş etdirecek ve mağazasında bulunan tütünlerde hile ve fesad ve hukuk-ı mîriyece zayiât görüldüğü takdirde o makulelerin mağazaları derunlarında başka malı bulunsa bile bilâ te’hir canib-i hükümetden ve idare tarafından müştereken temhir olunup müteakiben meclis-i idare ile rüsumat idaresi tarafından tayin olunacak müşterek komisyon marifetiyle emr-i teftiş ve muayene icra ve ba‘de’l-muhakeme hükm-i nizam ifa kılınacak ve böyle bir hal vukuunda berminval-i bâlâ derununda sair eşya bulunan mağazalar dahi taht-ı temhire alınacağı cihetle yerli ve ecnebi tüccarın tütün vaz‘ etdiği mağazada sair eşya bulundurmaması lâzım gelecekdir.