351

Dâhil-i memâlikde her tarafa nakl ve irsâl idile bilüb bundan ziyâde olanlar içün
cânib-i idâreden meccânen nakliye tezkiresi almak lâzımdır.

Altmış İkinci Mâdde: Bir mahallin fabrikası ma'mûlâtından olan ve ber-minvâl-i bâlâ
pâket ve kutulara mevzû' olarak bandrolları sağlam bulunan tütünler bâ-tezkire-i
nakliye Memâlik-i Mahrûse'nin her yerine götürülüp satılabilir fakat İstanbul'da
İdâre-i İnhisâriye bâkî olduğu müddetçe oraya nakli câiz olmayacaktır.

Altmış Üçüncü Mâdde: Tütün havan ve bıçağıyla tütün kıymak ve çığar ve çığart
yapmak ve enfiye ve ağız tütünü i'mâline mahsûs sâir âlât ve edevât ba'demâ
idârenin ta'yîn ve tahsîs ideceği mahallerden gayrı yerlerde i'mâl veyâ ta'mîr
idilmek memnû' olub buralarda i'mâl olunanlar dahi ruhsatlı fabrikacılardan
başqasına fürûht olunamayacak ve her birleri üzerine cânib-i idâreden başqa
başqa damga darb etdimeğe âmili mecbûr olacaktır.

Altmış Dördüncü Mâdde: Mâdde-i sâbıkada beyân olunan havan ve bıçak ve âlât-ı
sâirenin mübâya'a ve iştirâsına muhtâç olan fabrikacılar bunları idârenin
ta'yîn ve tahsîs eylediği i'mâl mahallerinden damgalı olarak idâre ma'rifetiyle
alacak ve bir fabrika ne mikdâr âlât ve edevât mübâya'a ider ise mikdârı gerek
idârenin ve gerek fabrikacıların defter-i mahsûslarına ber-vech-i müfredât kayd
olunacaktır.

Fasl-ı Sâdis

( Tütün satan dükkâncı ve gezginciler hakkındadır )

Altmış Beşinci Mâdde: Tütüncü dükkânı ve mağazası açık ve tütün fürûhtı
içün köylerde ve pazar ve panayır yerlerinde gezgincilik itmek ve yâhud dükkânda
ve mağazasında ve gezgincilikde sâir eşyâ satanlardan tütün dahi satmak isteyenler
tütün fürûhtına başlamazdan evvel bulundukları mahal rüsûmât idâresinden
be'yiye tezkiresi almağa mecbûrdurlar.

Altmış Altıncı Mâdde: İşbu dükkâncı ve mağazacılar kırk ikinci mâddede tütün
fabrikalarıçün ta'dâd olunan birinci sınıf şehirlerin Kavala ve Yenice Karasu ile
Samsun'dan mâ'adâsında ise birinden senevî bir buçuk ve ikinci sınıf şehir...