353

Yetmiş birinci madde
Sene ibtidasında bir dükkân veyahut mağaza içün alınmış bulunan biyiye tezkeresi başka dükkân veyahut mağaza içün muteber olamayub eğer sahibi sene içinde dükkân veyahut mağazasını tebdil etmek ister ise idareye müracaatla tezkerede muharrer mahallin terk olundığını ba‘de’l-isbat yeni ittihaz edeceği mahallin semt ve numrosunu tezkereye ilave [ve] tashih etdirdikten sonra evvel tezkereyi bakiye-i müddet hitamına kadar ikinci mahal içün itibar etmek caizdir. Bu halde dahi sahibinin ismi tebeddül etmemek şartdır ve bir tezkere bu vechle bir defadan ziyade tebdilen istimal olunamaz.

Yetmiş ikinci madde
Biyiye tezkeresi bunı talep eden tarafından mümzi olarak idareye i‘ta olunacak bir istida-yı resmî üzerine verilir ve bu vechle tezkere alan şahıs işbu nizamnamede kendisiçün tayin olunan vezaif ve mecburiyetlerin ifasını tamamiyle taahhüd etmiş addolunur.

Fasl-ı Sâbi‘

( Fireler hakkındadır )

Yetmiş üçüncü madde
Ziraatin ikinci ve beşinci maddeler mucibince iki defa tahmin olunan tütün mahsullerinden zuhur edecek fireler zirde muharrer cetvelde nev‘lerine göre başka başka gösterilen mikdarlara kadar kabul olunub fireler cetvelde muharrer mikdarları mütecaviz olduğu halde ziyadesine noksan nazariyle bakılub müruriye ve’l-yüksek fi’ât hesabıyla sarfiyat resmi zürra‘dan tahsil olunur.

Yetmiş dördüncü madde
Tüccar gerek dahilde sarf olunmak ve gerek diyar-ı ecnebiyeye göndermek içün olsun zürra‘dan mübayaa ve mağazasına iddihar eylediği tütünleri ol mağazada işletmeksizin mütaakıban haliyle diğer mahalle nakl eder ise bunlarda fire itibar olunmayub fakat tütünleri orada veya muahharen nakl eylediği