39

949 Madde İkrah iki kısımdır
Kısım-ı evvel ikrah-ı mülcîdir ki itlaf-ı nefs ya kat‘-ı uzuv yakhud bunlardan birine
müeddî olur darb-ı şedîd ile olan ikrahdır
Kısım-ı sâni ikrah-ı gayr-i mülcîdir ki yalnız gam ve elemi mûcib olur darb ve habs
gibi şeylerle olan ikrahdır

950 Madde Şüf‘a bir mülk-i müşterâyı müşteriye her kaça mal olduysa ol
ol mikdar ile temellük etmekdir

951 Madde Şefî‘ hak-ı şüf‘ası olan kimsedir

952 Madde Meşfû‘ hak-ı şüf‘anın taalluk eylediği akardır

953 Madde Meşfû‘un bih şefî‘in mâ bihi’ş-şüf‘a olan mülküdür

954 Madde Halît su hissesi ve yol hissesi gibi hukuk-ı mülkde
müşârik demekdir

955 Madde Şirb-i has eşhas-ı ma‘dûdeye mahsus olan mâ-i cârideki
hak-ı şirbdir
Amma umumun müntefi‘ olduğu nehirlerden su almak şirb-i has kabilinden değildir

956 Madde Tarîk-i has çıkmaz sokak demekdir

* Bâb-ı Evvel *
( Hacre müteallik mesâil beyanında olup dört fasla münkasimdir )

* Fasl-ı Evvel *
( Sunûf ve ahkâm-ı mahcûrîn beyanındadır )

957 Madde Sagîr ve mecnun ve ma‘tuh zâten mahcûrdurlar

958 Madde Sefih olan kimse hâkim tarafından hacr olunabilir

959 Madde Medyun dahi guramânın talebiyle hâkim tarafından hacr olunabilir

960 Madde Mevadd-ı ânifede zikr olunan mahcûrînin bey‘ ve şirâ gibi tasarrufat-ı
kavliyeleri mu‘teber olmaz ise de kendü fiillerinden neş’et eden zarar ve ziyanı
heman zâmin olurlar
Mesela bir çocuk gayr-i mümeyyiz olsa bile birinin malını itlaf etdikde zaman lazım
gelir