42

Oluvechile âm olub da ol çarşu halkının ekserisinin mâlûmu olmak şartdır yoksa kendü hanesinde iki üç kişinin mahzarında hacr etmesi sahih olmaz

974 Madde Sagîrin bu babda velîsi evvelâ babası sâniyen babası fevt olmuş ise vasiyy-i muhtarı yani babasının hâl-i hayatında ihtiyar ve nasb etmiş olduğu vasi sâlisen vasiyy-i muhtar dahi vefat ederse anın hâl-i hayatında nasb eylediği vasi râbian cedd-i sahihi yani sagîrin babasının babası yahud babasının babasının babası hâmisen işbu ceddîn hâl-i hayatında ihtiyar ve nasb eylemiş olduğu vasi sâdisen ol vasinin nasb eylediği vasi sâbian hâkim yahud vasiyy-i mansûbu yani hâkimin nasb eylediği vasidir amma karındaş ve amuca ve sâir akrabanın vasi olmadıkları halde izin vermeleri câiz olmaz

975 Madde Hâkim bir sagîr-i mümeyyizin tasarrufunda menfaat gördüğü halde andan mukaddem olan velî izinden imtina’ etse hâkim bu hususda ol sagîre izin verebilir ve dîger velîsi artık anı hacr edemez

976 Madde Bir sagîri me’zun eden velî fevt oldukda vermiş olduğu izin bâtıl olur fakat hâkimin izni vefatiyle yahud azliyle bâtıl olmaz

977 Madde Bir hâkimin me’zun ettiği sagîri yine ol hâkim yahud halefi hacr edebilir yoksa babası yahud dîger velîsi hâkimin vefatı yahud azli üzerine anı hacr edemez

978 Madde Ma’tuh olan kimse sagîr-i mümeyyiz hükmündedir

979 Madde Mecnun-ı mutbık sagîr-i gayr-i mümeyyiz hükmündedir

980 Madde Mecnun-ı gayr-i mutbıkın hâl-i ifâkatinde olan tasarrufatı âkılın tasarrufu gibidir

981 Madde Bir çocuk bâliğ oldukda malının kendisine i’tâsı hususunda isti’cal olunmayub teennî ile tecrübe olunmalıdır reşîd olduğu tahakkuk eder ise ol vakit emvâli kendisine verilir

982 Madde Bir çocuk gayr-i reşîd olarak bâliğ olur ise rüşdü tahakkuk etmedikçe malı kendisine verilmeyib kemâ fi’s-sâbık tasarrufdan men’ olunur

( 983 )