Büyük Dil Modeli Tarafından Üretilen Metin
440
pusulalarını aldıkdan sonra sene nihayeti imtihanını ve ikmal-i müddet-i tahsiliyelerinde doktora yani müntehi imtihanlarını tahriren ve takriren ifa eylemeğe mecbur olacaklardır.
Altıncı Madde Mektebin bilcümle muallimleri nezdlerinde talebenin esamisini havi bir defter mevcud olub her gün derslere bed' ve mübaşeretden evvel talebenin yoklaması bil-icra namevcud olanlar işaret ve mevcud olanlara irad olunacak suallere verecekleri cevabların nikat-ı usulü üzere derecatı derc ve imla kılınacak ve talebeden her hangisi hakkında muallimlerin bir gûne mütalaaları var ise mülahazat hanesine işaret ile derslere hitam verildikden sonra defatir-i mezkure idare canibine i'ta kılınacakdır.
Yedinci Madde Mektebin kalem-i mahsusunda vücudu lazım gelen defatirden maada altıncı maddede zikr olunduğu üzere muallim tarafından canib-i idareye yevmi verilen ders cedvellerindeki işaratı nakl ve kayd eylemek içün bir esas defteri dahi tutularak işbu defterde talebenin isimleriyle bulunduğu sınıflar ve okudukları dersler tahrir ve muallimin işaretleri aynen ve talebenin atvar ve ahlakı hakkında idarenin tahkikat-ı vakıası icmalen kayd olunacakdır.
Sekizinci Madde Beşinci maddede beyan olunduğu veçhile vakti muayyeninde lazım gelen kayd pusulalarını almak isteyen talebenin defter-i mahsusda muharrer isimleri sırasında gösterilen işaretlere nazaran iki ay zarfında bir dersde bila mani-i şer'i dört defa hazır bulunmadıkları ve ya muallimlerin suallerine mütemadiyen ecvibe-i sahiha veremedikleri veyahud bu esnada bir gûne su-i hal ve hareketleri tebeyyün eylediği halde mücazat-ı zikr olunan inskripsiyon hakkı talebeden sakıt olacakdır ve sene-i tedrisiye içinde lazım gelen dört inskripsiyonı almayanlar sene nihayeti imtihanına kabul olunmayub sebebleri defter-i mahsusun mülahazat hanesinde gösterilecek şukadar ki talebe hakkında bu iki cezanın tayinine müdir ve muallimlerin reyleri munzam olacakdır.
Dokuzuncu Madde Sene-i tedrisiye içinde devam ve muallim tarafından irad olunan suallere hakkıyla cevab i'ta edüb de inskripsiyonlarını tamamen alanlar ve bu esnada bir gûne su-i hal ve hareketde bulunmayanlar sene ahiri imtihanına kabul olunacakdır.
(Onuncu)
pusulalarını aldıkdan sonra sene nihayeti imtihanını ve ikmal-i müddet-i tahsiliyelerinde doktora yani müntehi imtihanlarını tahriren ve takriren ifa eylemeğe mecbur olacaklardır.
Altıncı Madde Mektebin bilcümle muallimleri nezdlerinde talebenin esamisini havi bir defter mevcud olub her gün derslere bed' ve mübaşeretden evvel talebenin yoklaması bil-icra namevcud olanlar işaret ve mevcud olanlara irad olunacak suallere verecekleri cevabların nikat-ı usulü üzere derecatı derc ve imla kılınacak ve talebeden her hangisi hakkında muallimlerin bir gûne mütalaaları var ise mülahazat hanesine işaret ile derslere hitam verildikden sonra defatir-i mezkure idare canibine i'ta kılınacakdır.
Yedinci Madde Mektebin kalem-i mahsusunda vücudu lazım gelen defatirden maada altıncı maddede zikr olunduğu üzere muallim tarafından canib-i idareye yevmi verilen ders cedvellerindeki işaratı nakl ve kayd eylemek içün bir esas defteri dahi tutularak işbu defterde talebenin isimleriyle bulunduğu sınıflar ve okudukları dersler tahrir ve muallimin işaretleri aynen ve talebenin atvar ve ahlakı hakkında idarenin tahkikat-ı vakıası icmalen kayd olunacakdır.
Sekizinci Madde Beşinci maddede beyan olunduğu veçhile vakti muayyeninde lazım gelen kayd pusulalarını almak isteyen talebenin defter-i mahsusda muharrer isimleri sırasında gösterilen işaretlere nazaran iki ay zarfında bir dersde bila mani-i şer'i dört defa hazır bulunmadıkları ve ya muallimlerin suallerine mütemadiyen ecvibe-i sahiha veremedikleri veyahud bu esnada bir gûne su-i hal ve hareketleri tebeyyün eylediği halde mücazat-ı zikr olunan inskripsiyon hakkı talebeden sakıt olacakdır ve sene-i tedrisiye içinde lazım gelen dört inskripsiyonı almayanlar sene nihayeti imtihanına kabul olunmayub sebebleri defter-i mahsusun mülahazat hanesinde gösterilecek şukadar ki talebe hakkında bu iki cezanın tayinine müdir ve muallimlerin reyleri munzam olacakdır.
Dokuzuncu Madde Sene-i tedrisiye içinde devam ve muallim tarafından irad olunan suallere hakkıyla cevab i'ta edüb de inskripsiyonlarını tamamen alanlar ve bu esnada bir gûne su-i hal ve hareketde bulunmayanlar sene ahiri imtihanına kabul olunacakdır.
(Onuncu)