443

İlm-i hikmet-i tabiiye, ilm-i kimya, cerr-i eskal-i aliye, makine-i tatbikiye,
topoğrafya ve makine eşkali, ilm-i miyah, jeoloji yani ilm-i tabakat-ı arz,
inşaata lazım olan eşyanın taharrisi ve yerden ihracı ve istihzarı ve istimali,
inşaatın derece-i takviyetiyle inşaata lazım olan eşyanın kuvve-i tahammüliyesi,
arazi üzerine ameliyat, yollar ve köprülerin tesviye ve inşası, sed ve bendler
inşası, demir yolların tesviye ve inşası, bataklıkların tecfif ve tathiri,
bilcümle inşaatın keşfi ve haritası ve bunlara aid olan hesab-ı ziraî
ile sarfı lazım gelen mebaliğin mikdarı ve bunların üzerine mükemmel layiha
tanzimi.

Fi 28 Zilhicce sene 292 ve fi 13 Kanun-ı Sani sene 291

***

( Matbuat Nizamnamesine tezyil olunan madde-i mahsusadır )

Elsine-i mütenevviada çıkarılan gazete sahib-i imtiyazlarının ruhsatnamelerinde
münderec evkat-ı muayenede çıkaracakları gazetelerden başka ilave namıyla neşr
edecekleri evrak-ı matbua icra ve ilan buyurulmuş olan tevcihat ve tebligat-ı
resmiyeye ve mevad-ı mühimmeye dair resmi telgrafnamelere münhasır olacaktır. Bunun
hilafında ve tahdiş-i ezhanı mucib yolda makalat ve ekazib derc edenlerin
çıkaracakları varakanın mündericatından Matbuat Nizamnamesi ahkamınca
sahib-i imtiyaz ve gazete hakkında terettüb edecek sair ahkam-ı nizamiyeye halel
gelmemek üzere gazeteleri bir aydan üç aya kadar tatil edilir.

Fi 10 Şaban sene 292 ve fi 29 Ağustos sene 291