448

Fasl-ı Evvel

( Emlake verilecek senedat-ı cedidenin suret-i )
( itasına dairdir )

Beşinci Madde — Her kazanın emlak kâtibi merkezden bed’ ile kaza dahilinde bulunan şehir ve kasabatı ve bade kura ve nevahiyi dolaşıp emlak-ı mevcudenin yoklamasını icra edecek ve mukaddema tahriri icra olunmuş olan mahallerin tahrir defterini yoklamaya esas ittihaz eyleyecektir şöyle ki emlak kâtibiyle birlikte liva veyahut kaza meclis idaresi azasından bu misillü hususata vukuflu bir zat ile tahrir memuru ve emlakin bulunduğu mahallenin imam ve muhtarları ve ihtiyar meclis heyeti hazır olduğu halde emlaki sebt-i defter ederek numunesine tevfikan yoklama defterlerini tanzim edecek ve emlakin ashabı tarafından ibraz olunacak hüccet ve senedat-ı saireyi muayene ve tetkik ve hüccet ve senedi olmayanların suret-i tasarrufu dahi sebeb-i mülk olur müstenid-i şer’iye mebni olup olmadığını tahkik ederek mülahazat hanesine şerh verecektir.

Ve ashab-ı emlak yedinde bulunan hüccet ve saire üzerine yoklaması icra ile cedid sened verildiğini mübeyyin damga urulacaktır.

Şurası mukarrerdir ki şehir ve kasabelerdeki emlakin yoklaması icra ve ikmal olunmadıkça kura ve nevahi yoklamasına mübaşeret olunmayacaktır.

Altıncı Madde — Ber-vech-i bala yoklama defteri bi’t-tanzim ziri yoklama heyeti tarafından temhir ile tasdik olunduktan sonra meclis-i idareye verilecek ve naib-i belde hazır olduğu halde meclisçe yoklama defteri mütalaa ve bir mülkün suret-i tasarrufiyesi hakkında meclisçe bir mertebe daha tetkikat icrasına ihtiyaç görüldüğü halde yine naib efendi hazır olduğu halde tahkikat-ı lazıme ve tetkikat-ı kâfiye icra olunarak meclis-i idare tarafından dahi yoklama defteri temhir ve tasdik olunacaktır.

Fakat bir defterin bir aydan ziyade meclis-i idarede kalması caiz olmayacağından şayet içinde ilişikli bazı emlak zuhur edip de tahkikatı bir aydan ziyade vakte muhtaç olur ise bunların heman bir taraftan tahkikatı icra

( Olunmak )