465

olunmakda ise Dersaadet ve mülhakatında dahi ol vechle icra olunacakdır

( Taşralar Muamelatı )

Onuncu Madde Taşralarda arazi-i mevkufe kuyudatının devr ve teslimi ne suretle icra olunur ise müsakkafat ve müstegallat-ı mevkufe kuyudatı dahi evkaf muhasebecileri tarafından her bir liva defter-i hakanî memurlarına ol vechle devr ve teslim olunacakdır

On Birinci Madde Müsakkafat ve müstegallat-ı mevkufenin kâffe-i vukuatı yani ferağ ve intikal ve muamelat-ı sairesi nizamat-ı mahsusasına tevfikan defter-i hakanî memurları marifetiyle rüyet ve tesviye olunub arazi-i mevkufede olduğu misillü defterhaneden senedat-ı asliyesi gönderilinceye değin ashab-ı emlakı te’min içün muvakkat ilmühaberler memurin-i muma-ileyhim tarafından ita olunacakdır ve atik senedler üzerine Dersaadet’de olacağı gibi damga vurularak ashabına verilecekdir

On İkinci Madde Vukuatı üzerine verilerek muvakkat ilmühaberleri verilen müsakkafat ve müstegallat-ı mevkufenin arazi-i mevkufe vukuatıyla beraber mah-be-mah defteri bi’t-tanzim senedat-ı asliyesi tanzim ve irsal olunmak üzere Defter-i Hakanî Nezareti’ne irsal olunacakdır

On Üçüncü Madde Müsakkafat ve müstegallat-ı mevkufe muamelatında vuku bulacak hasılat arazi-i mevkufe hasılatıyla beraber ne mikdara baliğ olur ise andan defterhane memurlarına verilecek harc ile mahallerinde bulunan evkaf-ı mülhaka mütevellilerine aid hisse tenzil ve tevkif olundukdan sonra kusuru evkaf muhasebecileri hesablarına olarak mahalleri mal sandıklarına teslim edilüb muhasebeci-i muma-ileyhim tarafından makbuz senedi alınacak ve işbu senedat-ı makbuza mah-be-mah gönderilecek defterlere melfufen Defter-i Hakanî Nezareti’ne irsal kılınacakdır

On Dördüncü Madde Evkaf-ı mülhaka hasılat-ı vakıasından mütevellilere aid rub‘ hisse on üçüncü maddede beyan olunduğu üzere defter-i hakanî memurları tarafından mahallerince mütevellileri mevcud olan veyahud kaim-makamları bulunanlara derhal ita olunarak muvakkat ilmühaberleri temhir etdirilecekdir ve mütevellileri