47

İkincisi hakk-ı mebî'de halît olmaktır
Nitekim hakk-ı şürb-i hâs ve tarîk-i hâsda iştirâk gibi
Meselâ hakk-ı şürb-i hâsda iştirâkleri olan bağçelerden birisi satıldıkda
Diğer bağçeler ashâbı hep şefî' olurlar gerek câr-ı mülâsık olsunlar ve gerek
Olmasınlar
Kezâlik kapusu tarîk-i hâsa açılan bir hâne satıldıkda ol tarîk-i hâsa
Kapusu olan diğer hâneler ashâbının kâffesi şefî' olur gerek câr
Mülâsık olsunlar ve gerek olmasınlar
Ammâ umûmun müntefi' olduğu bir nehirden su alan yâhûd kapusu tarîk-i
'Âmme açılan hânelerden biri satıldıkda ol nehirden su alan yâhûd
Ol tarîk-i 'âmme kapusu olan diğer hâneler ashâbının hakk-ı şuf'ası yokdur
Üçüncüsü mebî'e câr-ı mülâsık olmaktır

١٠٠٩ madde Hakk-ı şuf'a evvelâ nefs-i mebî'de müşârik olan kimesnenin sâniyen
Hakk-ı mebî'de halît olanın sâlisen câr-ı mülâsıkındır
Ve birincisi tâlib iken diğerlerinin ve ikincisi tâlib iken üçüncünün hakk-ı
Şuf'ası yokdur

١٠١٠ madde Nefs-i mebî'de müşârik olmadığı yâhûd olub da hakk-ı
Şuf'asından vazgeçdiği hâlde hakk-ı mebî'de halîti var ise hakk-ı şuf'a
Ânındır
Hakk-ı mebî'de halîti dahi yoğise yâhûd olub da hakkından vazgeçer ise
Ol hâlde câr-ı mülâsık şefî' olur
Meselâ bir kimesne müstakillen mülkü olan 'akârını satdıkda yâhûd bir müşterek
'Akârda ki hisse-i şâi'asını satub da müşâriki hakk-ı şuf'asından vazgeçdikde
Eğer ol 'akârın hakk-ı şürb-i hâsında yâhûd tarîk-i hâsında halîti var
İse hakk-ı şuf'a ânındır yok ise yâhûd olub da hakkından geçerse ol hâlde
Hakk-ı şuf'a câr-ı mülâsıkındır

١٠١١ madde Bir binânın fevkânîsi ya'ni üst katı birinin ve tahtânîsi
Ya'ni alt katı diğerinin mülkü olduğu sûretde yekdiğere câr-ı mülâsık
'Add olunur