471

Sahib-i evveli yağlıkçı esnâfından Hâşim Ağa bin Yakub fekk ideceklerini mübeyyin

( Bu dahi )

Mahallemizin Lâleli caddesinde yüz elli beş numerosunda yüz yirmi sehm i‘tibâriyle ve iki kıt‘a temessükle altmış akçe bakkâl dükkânı gedikiyle sülüs hisse mülküne mutasarrıf manav Hasan Ağa ibn Muhsin bu kere mülk ve gedik hisse-i mezkûresini imâmeci İbiş Ağa bin Mehmed’e on altı bin guruşa vefâen ferâğ ideceğinden merkûmun el-yevm ber-hayât olduğunu mübeyyin

( İnşâ ve İlhâk Ta‘mîr ve İnhidâma Dâir )

Mahallemizin Bekçiz sokağında dört numerolu üç kıt‘a temessükle Bâli Paşa vakfından olarak arsanın mutasarrıfı Rıf‘at Efendi ibn Eşref bu kere üç kat olmak üzre beş oda ve iki sofalı bir bâb hâne inşâ ideceğini mübeyyin

( Ta‘mîr ve ‘İlâve )

Mahallemizin Dörtçeşme sokağında iki numerolu Zeyneb Hâtun vakfından bir kıt‘a temessükle menzil ma‘a bağçenin mutasarrıfesi Âişe Hanım bint Durmuş menzil-i mezkûru hey’et-i hâzıresi üzerine cüz’î ta‘mîr ideceğini mübeyyin

( Kalb ve İlhâk )

Mahallemizde Uzunçarşı caddesinde altmış ve altmış iki numerolarda beş kıt‘a temessükle sebzeci ve bakkâl dükkânlarını mutasarrıfı bulunan İzzet Efendi bin Rıf‘at bu kere hedm iderek yerine kalb ile bir bâb manifaturacı mağazası inşâ ideceğini mübeyyin

( İnhidâm )

Mahallemizde Banka Efendi sokağında dört numerolu hâne ma‘a bağçeye ayrıca bağçe yapılmak üzre karşusunda bulunan üç numerolu menzil mutasarrıfı Rıf‘at Efendi hedm ideceğinden kaydının tashihi içün işbu ‘ilmühaber

( Esnâf Kethudâlarının Gedikleri Hakkında Îcâb İden )

( Tasdîkleri )

Çarşû-yı Kebîr’de Terzibaşı Aralık sokağında otuz üç numerolu çuhacı dükkânı derûnunda bir bâb terzi gediki olup ve mutasarrıfları dahi Ahmed