473

( Meclis-i Ticaret ve Ziraatın vazaif-i esasiyesine dair )

( Kararnamedir )

Birinci Kısım

( Meclis-i mezkûrun ziraate aid vazaifi mevad-ı âtiyeyi şamildir )

1. Vilayâtda mevcud olan menafi ve emniyet sandıklarının idaresi
2. Menafi sandıkları hasılatının mevzu-i lehine sarf olunup olunmadığının tetkik ve temyizi zımnında evkat-ı muayenesinde nezarete cetvellerinin celbi
3. Dersaadet'de ziraatin nazariyat ve amliyatına ve fen-i baytariye mahsus olmak üzere bir mekteb ve vilayât merkezlerinde birer numune çiftliği te'sisi
4. Arazi-i mevatın i'mar ve ıslahı esbabının mütalaası
5. Mahsulat-ı zer'iye ile hububat-ı sairenin keyfiyet ve ahvalinden malumat-ı kâfiye ve mütemadiye alınmak içün ziraat istatistiki kaleminin teşkili
6. Erbab-ı ziraatle sair istek edenlere duhûle me'zun olmak üzere Dersaadet'de münasib mahalde bir ders-i umumi açılması
7. Ders-i umumi mahalinde atîk ve cedîd lüzumu kadar âlât ve edevat-ı ziraiye bulundurulması
8. Kezalik ders mahalinde gerek memalik-i şahanede ve gerek sair memleketlerde zer' olunan her nevi hububat ve nebatat tohum ve esmarının iddiharına mahsus bir daire teşkili
9. Memalik-i Mahrusa'nın her tarafına neşr olunmak üzere nezaretde bir ziraat gazetesi ihdasıyla mehere-i fen-i ziraati teşvikan o misillü zevat taraflarından veyahud usul-i müsabakat tayini ve derecat-ı münasibede mükâfat va'di ile nezaret canibinden fen-i ziraate dair kütüb ve resail-i müfide te'lif ve tercüme etdirilerek neşri
10. Hayvan cinsi ve her nevi nebatat ıslah edenlere ve kezalik her cins âlât ve edevat-ı ziraiyeyi ıslah eyleyenlere ve fen-i ziraatde suver-i müfidede âsâr-ı terakki gösterenlere açılacak sergiler marifetiyle ve udûl re'yiyle mükâfat-ı nakdiye ve fahriye icrasının müzakeresi

31