476

* Üçüncü Kısım *

( Meclis-i mezkûrun ticarete dâir vezâifi mevâd-ı âtiyeyi şâmildir )

1. Bir ticaret mektebi te'sîsi ve resmî ticaret gazetesi ihrâcı

2. Emtia ve eşyâ-yı ticâriyenin muhâfazası zımnında lâzım gelen mahallerde birer ( Dok ) ve mağaza küşâdı ve alel-umûm ticaret borsa ve dellâllarının zâbıta-i nizâmiye tahtına idhâli esbâbı mütâlaa ve bunlara dâir vaz' olunacak nizâmnâmenin sûret-i cereyânına nezâret olunması

3. Dersaadet ve vilâyât ve elviye ve kazâ merkezlerinde sâire memleketlerde câri olduğu gibi beyn-et-tüccâr en mu'teber zevâttan intihâb ve Ticaret Nezâret-i Celîlesi tasdîkiyle ta'yîn olunmak üzere ticaret cemiyetleri teşkîl kılınması

4. Nezâretin teklîfi üzerine kavânîn-i ticâriyenin ihtiyâcât-ı hâliyeye göre ta'dîl ve tevsî'i hakkında Bâbıâlî'ye takdîm olunacak lâyihalara esâs olacak ma'lûmâtın müzâkeresi

5. Fondo ve ticaret borsalarının te'sîsine ve Avrupa'da câri olduğu üzere kambiyo dellâllarının bir kâide-i muntazama üzerine ta'yîni ve dellâllara müteallik müessesât ile bunların ta'rife ve nizâmnâmelerinin te'sîsi

6. Ticaretçe ehemmiyeti olan mevâkide mehâkim-i ticaret teşkîli zımnında Adliye Nezâret-i Celîlesine ma'lûmât i'tâsı

7. Bankalar ve alel-umûm şirketler teşkîline ve fondoların ikrâmiyelerine âid muâmelât ve nizâmât lâyihalarının tertîbi

8. Ticarete müteallik borsaların idâresi ve patente ta'rifelerinin bil-îcâb ta'dîli ve sigortaların ve emniyet sandıklarının kezâlik idâresi

9. Memâlik-i ecnebiyenin muâmelât-ı ticâriyesi hakkında Saltanat-ı Seniye şehbenderleri vâsıtasıyla ma'lûmât-ı kâfiye celbi

10. Memâlik-i Mahrûse-i Şâhâne'nin bilâd-ı ecnebiye ile câri olan muâmelât-ı ticâriyesinin tevsî'ine ve terakkî-i ticaret-i bahriyeye lâzım gelen esbâbın taharrî ve müzâkeresi

11. Alel-umûm sayd-ı mâhiye ve sâir mahsûlât-ı bahriye ıstıyâdına dâir kavâid vaz'ı

(12)