488

Komite azasından her hangisinin olur ise olsun ol vechle reise arz
etmiş olduğu bir madde içün komiteyi fevkalâde olarak cem eylemek
salâhiyeti vardır
Komitenin içtimaı içün azanın celb ve daveti komite kâtibi marifetiyle
vuku bulur
On yedinci madde ittihaz olunan kararların mamulün bih ve muteber olması içün
la-akal yedi azanın mevcud olması lâbüddür
Reis bulunmadığı halde azayı mevcude içlerinden birini muvakkaten reis
tayin ederler
Müzakerat reisin taht-ı nezaretinde cereyan edip kararlar ekseriyet-i ârâ ile
verilir
Tesavi-i ârâ vukuunda reisin reyi munzam olan taraf ekseriyet addolunur
Netice-i müzakerat zabt olunup işbu zabıtlar defter-i mahsusuna kayd olunur
ve reis ve komiser ile azadan birisi ve bir de kâtip tarafından imza edilir
On sekizinci madde akçe tediyesi komite tarafından mezuniyet itasına
mütevakkıf olduğu gibi reis ve komiser ile kâtip tarafından mümza bir kıta
manda ibraz olunmadıkça kimseye bir akçe verilmez komite borsa dairesine
aid olan akçeleri komiser tarafından ve verilecek talimata tevfikan idare
eder
Nizamname ahkamının tamamı icrasına komiser ile müttehiden takayyüd ve ihtimam eder
ve azayı cedide komitece ve verilecek mezuniyet üzerine azalığa kabul
olunacağı gibi bunların iffet ve istikamet matlube ile muttasıf olup
olmadıklarına dikkat eyler
Her akşam borsa kapandıktan sonra esham ve tahvilat fiyatının o günkü terakki
ve tenakusunu mübeyyin bir varaka-i resmiye tanzim ile borsanın haricine talik ettirir
Bu varaka matbu ve koçandan maktu olup evvel varakanın mündericatını tamamiyle
havi olan koçanı borsada hıfz olunacaktır
Borsaca tanzim olunan evrakın cümlesi komite reisiyle komiserin imzalarıyla
mümza ve komite kâtibi tarafından musaddak olmak lâzım gelir

(On dokuzuncu)